بعيد عن كلام الحكومة.. الأسباب الحقيقية لزيادة أسعار البنزين والسولار في مصر
أسعار السولار والبنزين في مصر مهدده بزيادات كبيرة خلال الشهور اللي جاية علي الرغم من الزيادات اللي حصلت خلال الأيام اللي فاتت.. ياتري اية السر في الزيادات المحتملة دي .. وازي الدولة هتتعامل معاها
من كام يوم الحكومة أعلنت عن تطبيق زيادات جديدة في أسعار البنزين والسولار وانبوبة البوتاجاز، والزيادات ترتب عليها وجود زيادات كبيرة في أسعار أغلب السلع والخدمات في الأسواق خصوصا أن زيادة اسعار النقل تسببت في زيادة التكلفة والنقل .
البيان اللي اعلنته الحكومة بزيادة أسعار المواد البترولية في مصر تضمن كمان عزم الحكومة تثبيت اسعار المواد البترولية في مصر لمدة 6 شهور قادمة، وده يعني أن أسعار البنزين والسولار هتفضل ثابته في مصر لحد بداية شهر أكتوبر اللي جاية، ولكن الكلام ده ممكن يتغير لسبب مهم جدا وهو الانخفاض الشديد اليل بتعاني منه مصر في الوقت الحالي لانتاج الغاز والزيت الخام للمرة الأولى لأدنى مستوي من يونيو 2016.
طيب اية سر التراجع الكبير في انتاج الغاز والزيت الخام اللي حصل في مصر؟
مبادرة البيانات المشتركة جودي أكد أن إنتاج مصر من الزيت الخام والغاز بيسجل في الوقت الحالي تراجع كبير، ده غير أن إنتاج النفط الخام والغاز في مصر تراجع بنسبة 9% من بداية شهر فبراير اللي فات وحاليا بيسجل 3.35 مليار متر مكعب مقابل 3.69 مليار متر خلال شهر يناير 205، وده اقل مستوى له من يونيو 2016 .
بيانات جودي قالت كمان ، أن استهلاك الغاز انخفض كمان في مصر وسجل 12% وبيوصل الاستهلاك المحلي لـ 4.59 مليار متر مكعب في الشهر مقابل 5.2 مليار متر عن الفترات اللي فاتت، والأنخفاض ده سبب التوجه الكبير لإنتاج الكهرباء من مصادر الطاقة الجديدة والمتجددة، خصوصا أن مصر في شهور فصل الشتاء بتكثف اعتمادها على المازوت في توليد الكهرباء أكثر من الغاز بسبب الأحوال الجوية والانخفاض في درجات الحرارة.
البيانات اللي قدمتها جويدي قالت كمان أن انتاج مصر من الغاز الطبيعي في أول شهرين من 2025 تراجع بنسبة 21% على أساس سنوي، وحاليا الانتاج بيوصل لـ 7 مليار متر مكعب مقابل 8.9 مليار متر مكعب خلال الفترات اللي فاتت، ده غير أن إنتاج النفط الخام في مصر تراجع خلال فبراير اللي فات وسجل 508 آلاف برميل يوميا مقابل 515 ألف برميل يوميا في الفترات اللي قبل كده وده اقل مستوي له في أخر 20 سنة فاتت، وده أدي لزيادة واردات النفط الخام واللي بتسجل حاليا 36 ألف برميل يوميًا مقابل ألف برميل يوميا في يناير اللي فاتت وده اللي سبب ارتفاع فاتورة مصر الاستيرادية من المواد البترولية لـ40% وفقا للبيان اللي أعلنته وزارة البترول والثروة المعدنية.
