في 3 خطوات.. إزاي تفرق بين الدهب الأصلي والمغشوش؟
الفترة اللي فاتت شهدت انتشار أنواع كتيرة من الذهب المغشوش خصوصا في السبائك.. ياتري اية هيا الخطوات اللي لازم اعملها علشان اتاكد من سلامة السبيكة قبل شرائها.. وهل الذهب المغشوش له مرتجع.
الذهب في الوقت الحالي بقي واحد من اهم واكبر الاوعية الإدخارية في السوق المصري، وبقي عليه اقبال كبير جدا من المواطنين للشراء والاستثمار خصوصا أن أمن وبعيد عن المخاطر، وسهل جدا الاستثمار فيه خصوصا أن ممكن أي حد يقدر يشتريه باي سعر حتي لو هيبدأ بجرام واحد، وكمان سهل جدا في بيعه وممكن المواطن ينزل في اي وقت يبعيه ويتصرف في فلوسه زي ما هو عايز، عكس باقي قطاعات الاستثمار التانية سواء كانت شهادات أو عقارات واللي بيحتاجوا وقت طويل علشان يقدر المواطن يبعهم أو يصرف فلوسهم.
طيب اية حكاية السبائك الذهبية المغشوشة اللي بقت منتشرة في السوق المصري ؟.
اغلب الناس اللي عايزة تستثمر فلوسها في الذهب بيكون الاستثمار في السبائك، لكن للاسف الفترة اللي فاتت السوق المصري بقي مليان أنواع كتيرة من السبائك المغشوشة واللي بقي صعب جدا علي اي مواطن الا لو كان فني أو شغال صايغ يعرفهم بسهولة، علشان كده شعب الذهب قدمت عدد كبير من النصائح للمواطنين الي حابين يستثمروا فلوسهم في الذهب خصوصا في مجالات شراء السبائك علشان ميكونش ضحية نصب ولا فلوسه تروح عليه.
أول نصيحة وجهتها شعبة الذهب للمواطنين اللي عايزين يستثمروا فلوسهم في الذهب علشان يتاكدوا من سلامته هيا تقريب الذهب من مغناطيس وفي حالة لو القطعة اناجذبت له فكده الذهب مزيف، وفي حالة محدش انجذاب فكده الذهب بيكون اصلي.
تاني نصيحة وجهتها الشعبة للمواطنين هيا عل خدوش بسيطة في الذهب بواسطة طرف معدني مدبب، وفي حالة وجود طبقة صفراء اللواء تحت الطبقة الخارجية فكده الذهب مضمون، ولو ظهر لون تاني سواء كان فضى أو أسود أو بنى فكده هيكون الذهب مغشوش.
ثالث طريقة الشعبة قالت عليها بس دي خطيرة شوية وهيا استخدام مياه النار ودي طريقة بيلجا لها اغلب محلات الصاغة لكشف الذهب المغشوش، ده غير أن عندهم اجهزة بتكشف الذهب المغشوش من الأصلي بكل سهولة.
