ازاي تتصرف لو ماكينة ATM رفضت تخرج كارت الفيزا
ناس كتير وهيا بتسحب فلوسها بتفاجي بان كارت الفيزا مخرجش، وبالتالي بتكون في حيرة.. ياتري المشكلة دي تتحل أزاي.. وهل العميل لازم يقعد جنب ماكينة السحب يمكن تخرج الكارت.
التطور التكنولوجي والرقمي اصبح جزء اساسي ورئيسي للحياة اليومية، وواحدة من الخدمات اللي طورتها الدولة للمواطنين هيا الخدمات البنكية واللي بقت كلها بتم عن طريق التحويلات البنكية والسحب النقدي عن طريق كروت الإئتمان والسحب النقدي عن طريق مكاينات السحب الفوري ATM.
علي قد التطوير اللي حصل في الخدمات البنكية المقدمة للمواطنين الا أن بعض الناس ممكن يتعرضوا لمشكلة أن ماكينة السحب بترفض تخرج كارت الفيزا، وبالتالي العميل بيكون في حيرة هل يمشي ولا يقعد يستني يمكن الماكينة تحرج الكارت، ولا يتصرف ازاي.
وقبل ما تلف ولا تحتار لازم نعرف أن في اكثر من سبب لرفض ماكينات السحب تخريج كارت الفيزا وأولهم أن العميل يدخل الرقم السري للكارت بصورة خطا أكثر من مرة، والسبب الثاني اللي ممكن يؤدي لسحب الكارت انه يكون منتهي الصلاحية أصلا أو في خلل أو عطل فني في ماكينة السحب اصلا .
وعلشان البنوك تحل المشكلة دي، ففي اكثر من خطوة لازم العميل يقوم بيها علشان يحصل علي الكارت بتاعه مرة تانية بدون اي مشاكل أولهم أن لازم يتواصل مع خدمة عملاء البنك اللي أصدر له بطاقة الفيزا وإبلاغهم بالمشكلة، وهيطلبوا منه تفاصيل عن وقت سحب البطاقة وموقع ماكينة الصراف الآلي اللي كان بيستخدمها، وفي حالة لو الماكينة كانت تابعة لنفس البنك اللي اصدر له البطاقة ففي الحالة دي العميل يقدر يستلم البطاقة في اليوم التالي بعد يتواصل مع خدمة العملاء، ولو الماكينة تابعة لبنك تاني فيقدر العميل يستلم بطاقته البنكية في مدة اقصاها اسبوع.
طيب اية النصائح اللي بتقدمها البنوك للعملاء علشان يقدروا يحافظوا علي بطاقتهم البنوك الماكينة متسحبهاش منهم؟.
البنوك اللي موجودة في مصر علي طول بتقدم نصائح للعملاء علشان ميتعرضوش لاي مواقف لسحب البطاقات البنكية في ماكينات السحب وأول النصائح دي هيا إدخال الرقم السري بشكل صحيح لتجنب تجاوز الحد الأقصى للمحاولات المسموح بها، والتحقق من صلاحية البطاقة قبل استخدامها للتأكد من أنها لسه سارية، واستخدام ماكينات الصراف التابعة للبنك المصدر للبطاقة قدر الإمكان لتفادي أي مشاكل تقنية، وبلاش تسيب البطاقات البنكية جوا ماكينات السحب لفترة طويلة بعد ما العميل يخلص معاملته خصوصا أن في بعض الماكينات بسحبها الكارت تلقائيا، وإلغاء المعاملة فورًا لو العميل لاحظت بطئ أو خلل في الماكينة قبل إدخال الرقم السري.
