مرشحة للزيادة.. شوف توقعات أسعار الذهب في مصر قبل العيد
عيد الفطر واحد من المناسبات الجميلة اللي الناس بتحب تقدم فيها هدايا وخصوصا الهدايا اللي من المشغولات الذهبية، ياتري اسعار الذهب قبل العيد هتوصل لكام.. وهل الذهب هيرجع ينخفض بعد العيد.
من كام شهر واسعار الذهب في مصر محدش عارف لها حاجة وكل يوم الاسعار بتزيد عن اليوم اللي قبله، واحيانا الاسعار بتتغير كل ساعة، والتغيير غالبا بيكون بالزيادة وحتي لو حصل انخفاض فيكون انخفاض نسبي بمعني أنه بيكون بارقام مش كبيرة زي ما بيحصل في الزيادة، والذهب في خلال الكام شهر فاتوا حقق مكاسب للناس اللي مستثمره فلوسها فيها بارقام كبيرة جدا ، وحاليا هو الحصان الأسود في الاوعية الأدخارية الموجودة حاليا في مصر سواء كانت عقارات أو شهادات.
طيب اسعار الذهب رايحة فين خلال الكام يوم اللي جايين وقبل عيد الفطر المبارك؟.
شعب الذهب توقعت أن اسعار الذهب في مصر هتفضل متذبذبية بين الزيادة والإنخفاض والتوقع الاكبر هيكون بالزيادة خصوصا ان الاسعار في مصر متاثره بالارتفاعات العالمية الكبيرة اللي بيحققها المعدن الأصفر، وده بسبب الحرب التجارية اللي موجودة دلوقتي بين الصين والولايات المتحدة الأمريكية بسبب الرسوم الجمركية الجديدة اللي اقرها الرئيس الأمريكي دونالد ترامب علي البضائع والسلع اللي بتدخل لبلاده، والرسوم دي تسبب في زيادة اسعار السلع، وبالتالي سوق التجار ة العالمية حصل له اضطرابات شديدة بسبب القرارات الأمريكية الأخيرة.
التوقعات اللي طلعتها شعبة الذهب مبنية علي الاسعار العالمية، واللي اكدت ان سوق الذهب في مصر هو جزء من سوق الذهب العالمي، وفي حالة استمرار الارتفاع فالأسعار في مصر هتكون مرشحة للزيادة في حالة عودة الهدوء للاسعار العالمية فالأسعار في مصر هتنخفض مع السعر العالمي، والشعبة استبعدت الانخفاض ده حاليا خصوصا أن التوترات العالمية لسه لحد اللحظة دي مفيش اي بوادر لحلها في الوقت الحالي، خصوصا أن الولايات المتحدة متمسكة بقرارها، والصين وعدت بالرد عليه.
الشعب نصحت المواطنين اللي عايزين يشتروا ذهب للاستثمار أو الهدايا أنهم ينزولوا فورا وبلاش ينتظروا للايام الي جاية خصوصا أن الاسعار في مصر زي ما قولت لكم مرشحة للزيادة بسبب تاثرها بالسعر العالمي.
