توقعات أسعار الذهب خلال الـ6 شهور الجاية.. إيه اللي هيحصل للمعدن النفيس؟
يا ترى إيه اللي هيحصل لأسعار الذهب في ال 6 شهور الجاية، هل ممكن تحصل مفأجاة تغير المقاييس، وإيه مؤشرات الأسعار في الأسواق المحلية للفترة الجاية، هل ممكن يحصل انخفاض مفاجئ للأسعار.
طبعا كلنا ملاحظين، الارتفاع الكبير في أسعار الذهب عالميا ومحلياً من بداية سنة 2025، وتجاوز سعر الأونصة العالمية اكتر من 3 آلاف دولار عشان الأسعار تولع في كل الأسواق المحلية.
وعندنا في مصر، عيار 21، الأكثر تداولاً سجل 4280 جنيه للجرام، بنسبة ارتفاع بتصل ب 15.02% من شهر يناير اللي فات.
ونقدر نقول، إن الارتفاع ده بيجي في إطار موجة صعود عالمية لأسعار المعدن الأصفر ، بسبب عوامل اقتصادية وسياسية، أهمها التوترات التجارية اللي بتشهدها الساحة الدولية، خاصة الحرب التجارية اللي بيخوضها الرئيس الأمريكي دونالد ترامب ضد الشركاء التجاريين للولايات المتحدة، بالإضافة لتصاعد التوترات الجيوسياسية في عدة مناطق حول العالم، وده دفع المستثمرين للجوء للدهب كملاذ آمن لحماية أموالهم من التقلبات الاقتصادية.
وعلى المستوى العالمي، فسجلت أسعار الدهب قفزت بنسبة 15.2 من بداية السنة دي، وحافظت اونصة الدهب على قمتها فوق مستوى 3000 دولار ، عاشت تسجل ارتفاع بنسبة 5.9% من بداية شهر مارس ولحد دلوقتي.
أما بقى عن توقعات الأسعار، فنقدر نقول إنها هتواصل مسيرو الصعود عشان توصل ل 3200 دولار للأونصة خلال ال6 شهور الجاية، وده وفقا لتحليلات الخبراء والمؤسسات المالية الدولية.
كمان، تخفيف السياسة النقدية من قبل البنوك المركزية الكبرى، زي الاحتياطي الفيدرالي الأمريكي والبنك المركزي الأوروبي، بيلعب دور محوري في دعم أسعار الدهب خلال الشهور الجاية، وأدى لانخفاض أسعار الفايدة لتقليل تكلفة الاحتفاظ بالدهب، وده كمان شجع المستثمرين على زيادة مشترياتهم من المعدن الأصفر.
عندك برضو، زيادة مشتريات البنوك المركزية العالمية من الدهب ساهمت في تعزيز الطلب على المعدن، وده لأن البنوك دي بتسعى لتنويع احتياطياتها وتقليل اعتمادها على العملات الأجنبية في ظل عدم الاستقرار الاقتصادي العالمي.
ونقدر نقول إن كل العوامل دي، بما فيها الاضطرابات الجيوسياسية والتوترات التجارية وتخفيف السياسة النقدية، ساهمت في تعزيز الطلب على الذهب كمخزن آمن للقيمة، ودفع الأسعار للارتفاع بشكل مستمر، عشان تظل توقعات ارتفاع الأسعار مستمرة للموجة الصعودية للمعدن الأصفر في الفترة الجاية، خاصة مع استمرار حالة عدم اليقين اللي بتحيط بالاقتصاد العالمي.
وفي النهاية، هنقدم نصيحة للمستثمرين والمتداولين، فحاول كويس تراقب تطورات السوق العالمي للدهب، لأن المعدن الأصفر هيظل خيار استراتيجي في ظل الظروف الاقتصادية والسياسية الحالية.
