لو أنت مستثمر.. خدمة إلكترونية جديدة من وزارة الصناعة لتسهيل أعمالك

في الأيام الأخيرة، وزارة الصناعة أطلقت تطبيق بيدعم المستثمرين على التليفون المحمول، واللي هيكون مخصص لاستقبال شكاوى واستفسارات المستثمرين الصناعيين.

والتطبيق ده بيوفر ربط المستثمرين مع الجهات التابعة للوزارة ووحدة خدمة ودعم المستثمرين إلكترونياً، عشان يسهل عليهم الإجراءات ويلبي احتياجاتهم.

كمان، التطبيق مُتاح على الأندرويد، وبتبدأ رحلة المستثمر مع التطبيق بإنشاء حساب عن طريق تسجيل بياناته الشخصية، زي الاسم ورقم التليفون والبريد الكتروني، بعدين يختار الخدمة اللي عايزاها سواء الشكوى أو الاستفسار، بعد كده هيكون له أكونت أو حساب شخصي على التطبيق عشان يتابع الشكوى أو الاستفسار ويعرف الموقف له.