تسهيلات وحوافز جديدة للاستثمارات.. هنقولك الحكومة بتعمل اية علشان تزود الاستثمار في مصر
الحكومة بتستهدف جذب استثمارات ورؤوس أموال جديدة للسوق المصري وعلشان كده قدمت حوافز تشجيعية جديدة.. يا ترى اية هيا الحوافز الجديدة اللي قدمتها الحكومة لتشجيع الاستثمارات الأجنبية.. ومصر مستهدفة توصل بالاستثمارات الاجنبية لكام.
السنين اللي فاتت الحكومة حطت خطة لجذب الاستثمارات الأجنبية من كل دول العالم، وعلشان ده يحصل كان لازم الحكومة تقدمت تسهيلات تاخذ عين المستثمرين الأجانب وتخليهم يختاروا السوق المصري علشان يبنوا استثمارات ومصانع دونا علي باقي اسواق العالم كله، خصوصا أن مفيش دولة في العالم حاليا مش بتدور علي الاستثمارات الأجنبية، وكل الحكومات علي مستوي العالم بتحاول بكل الطرق أنها تجذب رؤوس أموال لأسواقها، والهدف الرئيسي والاساسي من كل ده هو تشجيع الصناعة المحلية ودعم الصادرات.
طيب اية اللي بتعمله الحكومة علشان تحفز دخول الاستثمارات الأجنبية للسوق المصري؟.
الفترة اللي فاتت الحكومة قدمت تسهيلات في كل جوانب الاستثمار الصناعي المحلي، والتسهيلات دي تضمنت تسهيلات في تخصيص الأراضي اللي هتتبيني عليها المشروعات وكمان تسهيلات في التراخيص والإجراءات اللازمة لبناء المشروعات والمصانع الجديدة، والحكومة عملت حاجة اسمها الرخصة الذهبية ودي بتكون عبارة عن رخصة واحدة بتقدمها الحكومة للمشروعات والمصانع ودي بتكون كافية للبناء والتشغيل ومش محتاجه اي اجراءات تانية علشان التشغيل أو البناء.
التسهيلات اللي بتقدمها الحكومة للاستثمار ورؤس الأموال الأجنبية تضمنت كمان تخفيضات الضرائب الحكومية اللي بيتم تحصيلها من المستثمرين والقطاع الصناعي وغيرها من باقي القطاعات في الدولة المصرية، ده غير فتح وتسهيلات اجراءات الدخول للاسواق العالمية من خلال التعاون الحكومي والسياسي اللي موجود حاليا بين الحكومة المصرية واغلب حكومات دول العالم واللي من خلالها اصبحت اسواق العالم كله مفتوح قدام المنتج المصري للدخول والبيع.
طيب اية التحفيزات والتسهيلات اللي الحكومة قدمتها لزيادة جذب وتشجيع دخول الاستثمارات الأجنبية للسوق المصري ؟.
الحكومة في الوقت الحالي بتستهدف زيادة الاستثمارات الأجنبية ورؤس الاموال في السوق المصري؟، وعلشان توصل لهدفها الرئيسي فالحكومة قررت تخفيف الأعباء المالية غير الضريبية على الشركات، والمرحلة دي هتيجي بعدها خطة لإعادة هيكلة وتنظيم الرسوم، واستصدار التشريعات المطلوبة لتحقيق تلك الأهداف، والهدف من الخطوات اللي بتقوم بيها الدولة حاليا هو تقديم التسهيلات الحكومية اللازمة للمستثمرين وكمان تعزيز الايرادات الضريبية للدولة.
الخطة اللي حطتها الحكومة لزيادة وتشجيع دخول الاستثمارات الأجنبية للسوق المصري بتستهدف بتتضمن كمان تفعيل المنصة الالكترونية الموحدة للتراخيص واللي هتشمل كل التراخيص اللي بتقدمها الحكومة للمستثمرين واتاحة المدفوعات بشكل الكتروني، والتكامل مع منصة الكيانات الاقتصادية علشان تشمل كل التراخيص والرسوم ومقابل الخدمات بهدف تبسيط عمليات السداد وتقليل تدخل العنصر البشري، مجلس الوزراء برئاسة الدكتور مصطفي مدبولي اصدر قرار الزم فيه كل الجهات المانحة للتراخيص والموافقات بالبت في الطلبات في مدة أقصاها 10 أيام عمل دون تأخير.
