لو عايز تشتري ذهب ومحتار في الأسعار.. شوف توقعات الأسعار في مصر قبل عيد الفطر
العيون كلها رايحة علي الذهب ياتري الأسعار رايحة علي فين قبل عيد الفطر المبارك.. وهل هنشهد زيادات جديدة في الأسعار.. واية اسباب الارتفاعات الأخيرة لأسعار الذهب في مصر.
الشارع المصري كلها حاليا بيتكلم عن الزيادات الأخيرة في اسعار الذهب، واية اسبابها خصوصا أن اسعار الذهب في مصر علي مدار الشهرين اللي فاتوا زادت بارقام كبيرة ومش معتادة في السوق المصري خصوصا أن اسعار الصرف في مصر مستقرة من فترات بعيدة ومفيش حاجة تستدعي وجود اي زيادات جديدة بالأرقام دي في مصر.
اللي متابع لاسعار الذهب في مصر هيشوف أن أسعار الذهب كل ساعة بتتغير والتغير غالبا بيكون للزيادة حتي لو الذهب جه في بعض الأحيان وحصل في تراجع بالتراجع ده بيكون لساعات قليلة جدا وبعدين الأسعار بتكمل زيادة تاني وحاليا اسعار الذهب عيار 21 رابطة فوق الـ4 الآف جنية ومش هتنزل تاني وعلي المدي القريب خالص.
طيب اية اسباب ارتفاع اسعار الذهب في مصر وهل اسعار الذهب هترجع تنخفض تاني؟.
اسعار الذهب في الفترة الأخيرة شهدت ارتفاعات غير مسبوقة علي مستوي العالم كله، والسبب الرئيسي ف التحركات الأخيرة لأسعار الذهب هيا الحرب التجارية اللي موجودة دلوقتي بين أكبر قوتين اقتصادتين في العالم وهما الولايات المتحدة الأمريكية والصين بسبب الرسوم الجمركية الأخيرة اللي فرضها الرئيس الأمريكي دونالد ترامب واللي اثرت علي البورصة العالمية بشكل كامل.
التوترات الاقتصادية اللي موجودة دولوقتي بين واشنطن وبكين كان لها صدي واسع علي الاقتصاديات العالمية بشكل كامل، واغلب البنوك المركزية في عدد كبير من دول العالم اتجه لتحويل جزء كبير من احتياطاته النقدية إلي ذهب خصوصا أنه بيعتبر اقتصاد أمن وبعيد عن المخاطر.
شعبة الذهب اتكلمت عن الزيادات الأخيرة فيي اسعار الذهب في مصر وقالت أنها بسبب الزيادات العالمية في المعدن الأصفر، وأن الاسعار مرشحة لزيادات جديدة في الفترات اللي جاية في حالة استمرار حرب التوترات الاقتصادية الموجودة دلوقتي بين عدد كبير من دول العالم واللي لحد الأن مش معروف لها موعد نهاية وبالتالي كل الأسعار مرشحة لزيادات جديدة، ونصحت المواطنين اللي عايزين يشتروا ذهب ينزولوا في الوقت الحالي للشراء.
