مشروعات مهمة في توقيت حساس.. إزاي الدولة بتتحرك لتحويل مصر لمركز اقليمي لتبادل الطاقة
مصر هتكون اهم دولة في العالم وهتكون مركز اقليمي لتبادل الطاقة.. ياتري مصر هتحقق المعادلة دي ازاي.. واية خطة الحكومة لزيادة إنتاج مصادر الطاقة سواء كانت من الكهرباء أو البترول.
الحكومة شافيه أن مصر بموقعها الجغرافي تستحق مكانة أكبر من كده، وأنها لازم تكون أهم دولة في العامل ده خصوصا بسبب موقعها الجغرافي واللي بيربط أهم واكبر 3 قارات علي مستوي العالم، وكمان بسبب مواردها الطبيعية الفريدة اللي ربنا حبا وميز بيها مصر عن باقي دول العالم كله، وعلشان كده الحكومة حطت خطط اقتصادية هدفها الاساسي تحويل مصر لأهم دولة بتاثر في الاقتصاد العالمي، وأنها تكون دولة محورية والقرار اللي يخرج عنها لأزم يكون قرار ياثر علي العالم كله.
طيب ازاي مصر هتتحول لمركز اقليمي لتبادل الطاقة؟.
أي دولة في العالم علشان تتحول لمركز اقليمي لتبادل الطاقة، لازم في الأول تكون دولة رائدة في الإنتاج المحلي منه، وده اللي بتعمله الحكومة في الوقت الحالي، والحكومة عملت استراتيجية مكبرة للتوسع في مشروعات انتاج الطاقة في مصر، والاستراتيجية دي بتقوم علي التوسع في مشروعات الطاقة والاكتشافات البترولية وزيادة الإنتاج الحالي من الغاز والبترول بكل مشتقاته والتصدير لكل العالم.
وعلشان الدولة توصل لدفها وتتحول لمركز اقليمي لتبادل الطاقة، فالدولة اعادة تعمل اعادة ثقة مع الشركات الأجنبية الموجودة في مصر، خصوصا أن اغلب الشركات ورؤوس الأموال الأجنبيية العاملة في مصر وخصوصا في مجال التنقيب والاكتشافات البترولية كانت فقدت الثقة في الحكومة المصرية بسبب تراكم مستحقاتهم المالية، وتاخر سدادها لفترات طويلة.
أول قرار لعودة الثقة بين الحكومة والشركات ورؤوس الأموال الأجنبية العاملين في مصر كانت سداد مستحقات الشركات والاتفاق علي مواعيد محددة لسداد كل المتاخرات، وبسبب القرار ده عدد كبير من الشركات بدا يرجع ويكمل شغله في السوق المصري، وكانت النتيجة ان عدد كبي رمن الشركات أعلن عن اكتشاف أبار جديدة للبترول والغاز الطبيعي وكان أهم الاعلان عن اكتشاف حقل الفيوم 5 واللي موجود في منطقة الكينج ماريوت واللي احتياطاته كبيرة هتأمن مستقبل مصر علي مدار سنين طويلة من استيراد الغاز والزيت من الخارج.
ومن البترول بنروح لقطاع الكهرباء واللي بتوصل خطتها لاستكمال مشروعات الربط الكهربائي مع دول الجوار، وخلاص الوزارة بصدد تشغيل مشروع الربط الكهربائي المصري السعودي واللي بيعد أهم مشروع ربط كهربائي واللي بيستهدف تبادل 3 الاف ميجاوات وات بين الدولتين، وهتبد تشغيل المرحلة الأولي منه في شهر مايو اللي جاي.
خطة الحكومة لتحويل مصر لمركز اقليمي لتبادل الطاقة بتستهدف كمان تسريع وتيرة مشروعات الربط الكهربائي مع دول اليونان وقبرص ودول هيكونوا بوابة مصر لتصدير الكهرباء الي أوروبا، ده غير مشروعات الكهرباء مع ليبيا والسودان وبكده مصر هتتحول للمركز الأهم لتبادل الطاقة بين قارات العالم الثلاثة أوروبا وأفريقيا وآسيا.
