إزاي الحكومة هتحول سيناء لمركز إقليمي للطاقة النظيفة والهيدروجين الأخضر في العالم
يا ترى إيه قصة تحويل سيناء لمركز إقليمي للطاقة النظيفة، إيه هي الآليات اللي شغالة عليها الحكومة عشان تقدر تنفذ الهدف ده، وهل في شراكة مع القطاع الخاص ولا لأ، وإيه هي مصادر الطاقة اللي هننفرد بإنتاجها من سيناء قريب؟
في الساعات الأخيرة، الحكومة اخدت خطوات جديدة في طريق تحويل سيناء لمركز إقليمي للطاقة النظيفة، وبالفعل وزير الاستثمار والتجارة الخارجية، المهندس حسن الخطيب التقى عبدالله الإبياري مدير عام شركة ألفاريز آند مارسال للاستشارات، وروبرت فان الرئيس التنفيذي لشركة رينيرجى إيجيبت للطاقة المتجددة، عشان يستعرض مشروع الهيدروجين الأخضر الرائد في سيناء.
ونقدر نقول إن مشروعات الهيدروجين الأخضر، بتعتبر جزء أساسي من استراتيجية مصر للتحول نحو الطاقة النظيفة وجذب الاستثمارات الأجنبية في قطاع الطاقة المتجددة، كمان المشروع ده بيمثل نموذج فريد جدا للمشروعات المستدامة اللي لتدعم الاقتصاد المصري، وبتعزز مكانة البلاد كمركز إقليمي للطاقة النظيفة.
وحاليا، الحكومة المصرية ملتزمة بدعم المشروعات الرائدة اللي بتضع مصر في طليعة الدول المنتجة للطاقة النظيفة، عشان كده الدولة شغالة على تهيئة المناخ الاستثماري المناسب لجذب المزيد من الاستثمارات الدولية في القطاع الواعد ده.
والمشروع ده، بيعتبر خطوة رئيسية نحو تعزيز مكانة مصر كمركز إقليمي لإنتاج وتصدير الهيدروجين الأخضر، بما يتماشى مع استراتيجية الدولة للتحول نحو الطاقة النظيفة وتعزيز الاستثمارات في قطاع الطاقة المتجددة.
أما سيناء اللي هتكون مركز المشروع، فهتشد قريب تركيب إلكترولايزر بقدرة 15 جيجاوات، بالإضافة لنظام تخزين وضخ المياه إلى ارتفاع 800 متر لتوليد الطاقة عند الحاجة، وده هيوفر إمداد مستدام بطاقة أساسية بتصل إلى 3.1 جيجاوات بعد اكتمال مراحله المشروع.
والمرحلة الأولى للمشروع هتشمل محطة لتحلية المياه ومنشأة إنتاج الهيدروجين السائل، وده بجانب إنشاء رصيف بحري لتصدير المنتج إلى أوروبا، واللي هستم شحنه لميناء ترييستي الإيطالي، عشان يتم توزيعه عبر السكك الحديدية للدول الأوروبية، وعلى رأسها ألمانيا.
ولو ماتعرفش، فالمشروع ده بيمثل خطوة استراتيجية نحو مستقبل أكثر استدامة، خاصة وإن في تطلع من الشركات العالمية لاستمرار التعاون مع الحكومة المصرية لضمان تحقيق النجاح الكامل للمشروع الطموح ده، خاصة وانه بيتمتع بإمكانيات كبيرة عشان يكون أحد أهم مصادر الهيدروجين الأخضر في العالم، عشان كده تم إنشاء بنية تحتية قوية عشان تضمن استمرارية المشروع.
خد عندك كمان، إن البيئة الاستثمارية في مصر في الفترة الأخيرة، بقت تدعم الابتكار والمشروعات الجديدة خاصة في ملفات الطاقة والتكنولوجيا، وده هيحول مصر عشان تكون وجهة استثمارية جذابة لجميع المستثمرين في الفترة الجاية.
