باب دولاري جديد لمصر من تكرير النفط العراقي.. شوف ايه الحكاية
تعظيم الاقتصاد المصري واحد من أكبر وأهم الملفات اللي شغالة عليها الحكومة في الوقت الحالي، والحكومة وقعت اتفاقية مع العراق هدخل مصر نهر دولارات .. يا ترى ايه هيا الاتفاقية دي وازي الحكومة هتستفاد منها.
الفترة الرئاسية الجديدة للرئيس عبدالفتاح السيسي قائمة علي تشجيع الصناعة المحلية وتنويع مصادر الدخل الأجنبي للناتج القومي، وكانت توجيهاته للحكومة واضحة جدا في النقطة دي وهيا أن كل القطاعات والوزارات تبدأ تشتغل علي فتح وجذب الاستثمارات ورؤوس الأموال الأجنبية للسوق المصري وفي كل المجالات والقطاعات.
التكليفات الرئاسية الأخيرة الحكومة بدأت تترجمها علي أرض الواقع، وفي الفترة اللي فاتت فعلا شوفها انواع كتيرة من الاستثمارات الأجنبية ورؤوس الأموال اللي دخلت السوق المصري، وبدأت تفتح مصانع وتشغل ايد عاملة كتيرة من الشباب المصري، وبقي عندنا وفرة في الإنتاج المحلي وكمان رصيد كويس من المنتج المصري جاهز للتصدير لعدد كبير من الأسواق الخارجية وده حقق خطة الحكومة بمعادلة الميزان التجاري المصري عن طريق توفير جزء كبير من الفاتورة الاستيرادية وكمان زيادة حصيلة مصر من الفاتورة التصديرية.
طيب اية حكاية المشروع العراقي اللي هيدخل نهر دولاري لمصر ؟.
طبعا كلنا عارفين ان العراق واحدة من اهم واكبر الدول اللي منتجة للنفط والبترول في العالم العربي والعالم بشكل كامل، وبتعتبر دولة قائمة علي انتاج المواد البترولية، وعندنا هنا في مصر الحكومة عملت نهضة كبيرة جدا علي مدار السنين اللي فاتت في قطاع البترول والتكرير، ومصر بقي عندها بنية تحتية كويسة جدا في المنطقة دي..
ومن كام ساعة كان في لقاء عقده وزير البترول والثروة المعدنية كريم بدوي، مع وزير النفط العراقي، وناقش الوزيرين إمكانية التعاون الثنائي في تعظيم أنشطة الإنتاج والاستفادة من البنية التحتية المصرية في قطاعات التكرير والبتروكيماويات ومشتقات الغاز والاستفادة من القدرات المصرية لتداول الطاقة ومشتقاتها المختلفة.
مناقشات وزير البترول والثروة المعدنية تضمنت كمان التعاون في مجال التكرير بنقل النفط العراقي لتكريره بمعامل التكرير المصرية، وتعزيز تواجد الشركات المصرية المتخصصة في مجالات تصميم وتنفيذ وصيانة وتشغيل المشروعات للعمل بشكل أكبر في دولة العراق، خصوصا أن الشركات المصرية المتخصصة عندها كم كبير من الخبرات الواسعة في مجالات كتيرة هتمكنها من المشاركة في مشروعات البنية التحتية ومشروعات البترول والغاز في دولة العراق الشقيق.
