مشروع جديد ومهم في قناة السويس.. هنقولك إيه اللي بيحصل
يا ترى إيه قصة المشروع الجديد اللي عامل ضجة كبيرة في المنطقة الاقتصادية لقناة السويس، وهيعمل قلبان في ملف الاستثمارات قريب، ايه هي طبيعته وفي أي مجال وكم حجم الاستثمارات بتاعته، وليه تم تدشينه في قناة السويس؟
في الساعات الأخيرة، رئيس المنطقة الاقتصادية لقناة السويس، وليد جمال الدين، وقع مع رئيس شركة Industrial House لمواد البناء، عقد انتفاع، عشان يتم تنفيذ مشروع جديد بمنطقة وادي التكنولوجيا "شرق الإسماعيلية" في سيناء.
والمشروع ده بيستهدف إنشاء مصنع للمنتجات الجبسية ب 3 خطوط إنتاج، وهي : (خط إنتاج الألواح الجبسية، وآخر للجبس المصيص، والثالث لإنتاج الشكائر البلاستيكية للتعبئة)، وبتوصل حجم الاستثمارات الإجمالية للمشروع 12 مليون دولارؤ يعني حوالي 600 مليون جنيه.
وهيتم تنفيذ المشروع على مساحة 50 ألف متر مربع، وهيوفر فرص عمل مباشرة ل 500 شخص.
ومن هنا نقدر نقول إن المنطقة الاقتصادية لقناة السويس، مستمرة في الجهود الترويجية لجذب الاستثمارات بجميع المناطق الصناعية والمواني التابعة للهيئة على مدى زمني يتجاوز سنتين ونص، واللي اتوجت بنجاح وقدرت تستقطب مشروعين فعليين في قطاعي الصناعات المعدنية ومواد البناء بإجمالي استثمارات 17 مليون دولار، ومساحة إجمالية 85 ألف متر مربع، ووفر المشروعين دول 650 فرصة عمل مباشرة لحد دلوقتي.
كمان، الهيئة ناوية تبدأ في تنمية منطقة وادي التكنولوجيا الصناعية الواعدة داخل سيناء، وده بعد العمل المتواصل على تهيئة مناخ الاستثمار داخل المنطقة الاقتصادية من توفير بنية تحتية ومرافق عالمية المواصفات المطلوبة من المستثمرين.
ضيف عندك، إن المنطقة دلوقتي شغالة على ملف الرقمنة الكاملة لخدمات المستثمرين سواء خدمات الشباك الواحد أو الخدمات الجمركية واللوجستية، وده بيحصل بدعم مباشر من القيادة السياسية ومؤسسات الدولة، عشان نقدر نوفر كل متطلبات شركاء النجاح وهم المستثمرين ونذلل كل الصعوبات اللي بتواجهم وده في سبيل تحسين مناخ الاستثمار في مصر وادخال عملة صعبة لخزينة الدولة.
أما شركة "إندستريال هاوس"، فهي بتخطط دلوقتي من خلال مصنعها بوادي التكنولوجيا "الإسماعيلية شرق"، واللي بيشمل ثلاثة خطوط إنتاج، لإنتاج الألواح الجبسية بطاقة إنتاجية 2 طن متر مربع سنويًّا عشات يوصل ل4 مليون متر مربع بالتشغيل الكامل للمشروع، وكمان بتخطط بإنتاج الجبس المصيص بطاقة 600 ألف طن سنويًّا عشات توصل ل 900 ألف متر مربع، بالإضافة لإنتاج 60 مليون كيس سنويًّا قابلة للزيادة، مع تخصيص الشركة لأكثر من 80% من الإنتاج للتصدير للخارج.
