بعد واقعة منصة FBC.. إزاي تحمي نفسك من النصب الإلكتروني
أزمة كبيرة بسعيشها ناس كتير دلوقتي، واللي هم ضحايا منصة FBC للاستثمار على الإنترنت، بعد ما وهمتهم بالربح السريع لحد ما حصلت الأزمة، واختفت المنصة واختفى معاها المسؤلين عنها، وقفلوا تليفوناتهم بعد ما استلموا على الملايين من العملاء في مصر ودول تانية.
والحكاية بدأت لما منصة اسمها FBC، وهي منصة استثمارية رقمية بتروج لفرص ربح سريعة بعوائد مرتفعة، وبتركز على جذب المستثمرين من خلال وعود بتحقيق أرباح كبيرة وخيالية خلال فترة زمنية قصيرة جدا، عشان كده قدرت تستقطب ملايين الأشخاص في وقت قصير جدا.
وكانت المنصة دي بتدعي تقديم عوائد ضخمة في وقت قصير، لكنها في الحقيقة بتخدع الناس وتسرق فلوسهم، وده حصل بالفعل لناي في مصر والأردن.
وبتحصل عملية النصب، من خلال النقر على إعلانات أو مشاهدة محتوى معين للحصول على مكافآت مالية، خاصة وإن المنصة دي بتقدم فرص للربح من خلال النقر على الإعلانات، ومن هنا بيتلقى المستخدمين فلوس مقابل كل إعلان بينقروا عليه أو بيتفاعلوا معاه.
ورغم الوعود المغرية اللي قدمها مسؤلي المنصة بالعوائد الكبيرة، إلا أن الواقع كشف عن عمليات احتيال واسعة طالت الملايين من الأشخاص، واللي خسروا فلوس كتير، ووصلت الخساير ل 6 مليار دولار.
عشان كده، اتحركت الأجهزة الأمنية بسرعة، وباشرت فرق البحث الجنائي في وزارة الداخلية تحقيقاتها حول نشاط المنصةؤ وكشفت أن المتهم الرئيسي وهو «ح.ع» كان بيدير شبكة من الوكلاء في محافظات مختلفة، وخاصة في محافظات الدلتا، زنجح في استقطاب عدد كبير من الضحايا، وكمان تم اكتشافات إن المنصة دي كانت شغالة بطريقة غير قانونية ومن غير أي تصاريح رسمية. وبالفعل، تم القبض على عدد من المتهمين في محافظات القاهرة، البحيرة، والدقهلية، وجاري تعقب باقي أفراد المنصة.
ولكن بعد كل القصة دي، إزاي تحمي نفسك من النصب الإلكتروني؟
بص يا سيدي، أولا لازم حضرتك تحظر الرسائل غير المرغوب فيها اللي بتظهر لك دايما ع موبايلك، كمان تقوي كلمات السر الخاصة بيك على كل حسابات مواقع التواصل الإجتماعى وتغيرها بشكل دوري عشان تعزز الحماية.
وياريت، ماتقدمش أي معلومات شخصية او بيانات خاصة بيك على التليفون او الإنترنت لشخص أنت ماتعرفوش، فلازم تتحقق من المصدر قبل أي حاجة.
ماتنساش، تتحقق من هوية المرسل أو الجهة المطالبة، سواء كان ذلك على التي قولن أو البريد الإلكتروني.
وفي النهاية، في حالة لو خلاص اتعرضت للنصب ، لازم تبلغ فورت للجهات المختصة لو حتى لو كنت شاكك، وماتردش علة المكالمات اللي بتجيلك من متصل ماتعرفوش، وماتشاركش كلمات السر الخاصة بحساباتك البنكية لأي حد نهائي.
