هتحقق مكاسب مهولة.. الدولة بتعمل إيه عشان ترجع مكاسب قناة السويس لطبيعتها؟
قناة السويس بتعد أهم مجري ملاحي علي مستوي العالم، وبسبب الأحداث الجيوسياسية الأخيرة ايرادات القناة تاثرت للغاية.. ياتري اية خطة الحكومة لإعادة حركة الملاحة الجوية بمجري القناة، وامتي حركة الملاحة هترجع لطبيعتها.
علي مدار اكثر من 15 شهر كاملة حركة الملاحة الجوية بالمجري الملاحي لقناة السويس اتأثرت بشكل كبير بسبب التوترات السياسية اللي حصلت في منطقة الشرق الأوسط، بسبب الضربات اللي كانت موجود علي بعض السفن وقت مرورها في البحر الأحمر في طريقها للعبور من قناة السويس، وده خلي باقي السفن تغير خط سيرها للعبور بعيد عن البحر الأحمر وبدأت تسلك طرق تانية للوصول إلي أوروبا.
الأحداث الجيوسياسية اللي كانت موجودة في منطقة الشرق الأوسط كان لها تاثير علي نواحي اقتصادية كتيرة في مصر، واهم مصدر دولاري لمصر اتاثر من التوترات دي هيا قناة السويس واللي كانت بتعد أهم أكبر مصدر للعملة الصعبة في مصر، ووصل معدل التاثير في ايراداتها لأكثر من 70% من الارقام اللي كانت القناة بتحققها قبل كده.
طيب اية اللي بيحصل في قناة السويس دلوقتي؟.
من كام يوم الأمور في منطقة الشرق الأوسط بدأت ترجع لطبيعتها، وده هيكون له تاثير سياسي واقتصادي علي مصر، وأول حاجة هتحقق.
والحكومة حاليا بتعمل عملية تنظيمية جديدة لعودة الملاحة في البحر الأحمر إلى طبيعتها، وتوقعت أن الخطوط الملاحية العالمية سترجع لشكلها الطبيعي في البحر الأحمر وقناة السويس في الربع الأول من 2025، وكل التوقعات بتأكد ان الحركة الملاحية هترجع لأفضل حالتها في الربع الثاني من العام الحالي.
وهيكون في اقبال كبير جدا من حركة التجارة العالمية علي المرور من خلال المجري الملاحي للقناة، بسبب ان الطرق الملاحية اللي حركة التجارة العالمية استخدمتها الفترة اللي فاتت تسبب في ارتفاع تكاليف الشحن البحري، وبالتالي اثرت علي مكاسب كبري الشركات العالمية، وفي عدد كبير من شركات التجارة العاملة قررت وقفت تشغليها رحلاتها البحرية تماما خلال الفترة اللي فاتت بسبب خوفهم من تعرض السفن البحرية لضربات بحرية او التعرض لعمليات قرصنة وقت مرورها عن طريق رأس الرجاء العالم في طريقها للعبور من مضيق باب المندب علشان توصل لوجهتها النهائية في دول القارة الأوروبية.
