مشروع إيطالي هغير خريطة السياحة العلاجية في مصر.. شوف اية الحكاية
قطاع السياحة واحد من القطاعات اللي الدولة بتعول عليهم لتحقيق زيادة دولارية في الناتج القومي المصري، وحاليا ايطاليا بتعمل حاجة في مصر هتغير خريطة السياحة المصرية بشكل كامل.. ياتري اية هيا الحاجة دي وازاي هتغير خريطة السياحة في مصر
الارقام الكبيرة اللي حققتها مصر في 2024 في حركة السياحة الوافدة لمصر واللي سجلت 15.7 مليون سائح والإيرادات اللي حققها القطاع في نفس السنة واللي وصلت لأكثر من 15 مليار دولار، فتحت شهية الدولة علي زيادة الإيرادات وزيادة التوافد السياحي خصوصا في المجالات اللي مصر بتتفرد بيها بحاجات مش موجودة في العالم كله زي السياحة العلاجية.
السياحة العلاجية واحدة من الحاجات المميزة في مصر، خصوصا العلاج بالدفن بالرمال في واحات سيوة وغيرها من المناطق اللي معروفة باستقبال سائحين من كل دول العالم للعلاج من الأمراض الجليدة وامراض العظام، خصوصا أن العلاجات اللي من النوع ده اثبيتت فعالياتها وتفوقها علي العلاج بالبراشيم والمراهم وغيرها من الوسائل المعروفة في الطب بالعقاقير.
طيب اية اللي بتعمله مصر علشان تطور السياحة العلاجية ؟.
الزيادة الكبيرة اللي حصلت في أعداد الوافدين الأجانب للعلاج في مصر واللي حصلت في 2024، دفعت الحكومة لأطلاق اكثر من مشروع للسياحة العلاجية زي مشروع نرعاك في مصر واللي نجح في استقطاب وافدين من أكثر من 50 دولة حول العالم باجمالي 12 ألف واحد تلقوا العلاج في منشآت هيئة الرعاية الصحية بزيادة 200% عن الوافدين خلال 2023.
الخطة اللي حطتها مصر بالتعاون بين وزارة السياحة الأثار والصحة والسكان بتستهدف التواجد في ترتيب أكثر 5 دول استقبالا للسياحة العلاجية في العالم، ومصر تحصل علي نسبة 10% من عوائد السياحة العلاجية العالمية ، والدولة بدأت تنفذ خطة النهوض بالسياحة العلاجية وإطلق منصة إلكترونية لتقديم خدمات السياحة العلاجية، خصوصا أن مصر بتمتلك منشات صحية وطبيعية مش موجودة في كل دول العالم ده غير امتلاك مصر لمنشآت صحية مؤهلة وأطباء وخطة ورؤية طموحة للوجود على الخريطة الدولية في السياحة العلاجية، ومصر بتستهدف الوصول لـ14 مليار دولار عوائد لقطاع السياحة العلاجية بنهاية 2025.
طيب اية حكاية المشروع الإيطالي الجديد اللي هيغير خريطة السياحة العلاجية في مصر وفايدته اية للاقتصاد المصري؟.
من كام ساعة رئيس مجلس الوزراء عقد لقاء مع رئيس مجموعة مستشفيات سان دوناتو الإيطالية، واللي بتستهدف إنشاء وتشغيل مستشفى جديد في مصر هتوصل طاقته السريرية لـ 140 سرير وباستثمارات هتوصل لـ100 مليون دولار، وكمان عندهم خطة لمضاعفة الاستثمارات في عدد كبير من المحافظات.
النوع ده من المستشفيات واللي بدأ يظهر في مصر مؤخرا خلي في اقبال كبير من المرضي حوالين العالم عايزين ينزلو الدولة المصرية لتلقي العلاج في المستشفيات اللي موجودة في مصر واللي هيا برنادات عالمية، ده غير العلاج في واحة سيوة واللي بتشتهر بالدفن في الرمال وبحيرات الملحاولمياه الكبريتية في عيون موسى والعلاج بالأعشاب علشان المريض يضمن برنامج علاجي واستشفائي غير عادي.
