منتجات تحفز العملاء.. شوف التعليمات الجديدة من البنك المركزي للبنوك وأهميتها في دعم القطاع المصرفي

يا ترى إيه هي التعليمات الجديدة اللي أصدرها البنك المركزي المصري، وقرر يعممها على جميع البنوك الشغالة في مصر، هل هتكون تعليمات خاصة بتحسين الخدمة المصرفية للعملاء، ولا حاجة تانية مرتبطة بسير العمل، والناس هتستفيد منها إزاي؟ 
 

حاليا، البنك المركزي بيستهدف تعزيز استفادة عملاء الجهاز المصرفي من كل الخدمات المتاحة، سواء على مستوى القروض أو الأوعية الإدخارية المختلفة زي الشهادات وصناديق الاستثمار وغيرها زي منتجات التمويل الإسلامي.

بقيادة البنك المركزي المصري.. القطاع المصرفي يعزز جهوده في مجال التمويل المستدام

فريد: الرقابة المالية تولي أهمية قصوى لدفع جهود الاستدامة في القطاع المالي غير المصرفي

عشان كده، البنك المركزي أعلن عن إجراءات جديدة لتنويع مصادر التمويل والأوعية الإدخارية، عشان يقدر يمكن جميع الفئات والشرائح من الاستفادة من الخدمات على مستوى الفروع البنكية واللي بتقدم منتجات تتوافق مع أحكام الشريعة الإسلامية.

ولحد دلوقتي وصل حجم التمويلات المقدمة لعملاء البنوك في نهاية السنة اللي فاتت 2024 ل 60.6 مليار جنيه، بنمو سجل 17%، كمان محفظة الودائع وصلت ل 106.6 مليار جنيه بزيادة تبلغ 21.6 مليار جنيه بنمو يبلغ 25.4%.

والقوائم المالية في البنك المركزي، كشفت عن وصول حجم التمويلات المقدمة للمؤسسات والشركات ل 48.1 مليار جنيه بنمو 33% عن العام 2023، واللي شملت تمويلات للشركات الكبري بتقترب من 40 مليار جنيه مقابل 12.5 مليار لتمويلات الأفراد بنهاية سنة 2024.

كمان، وصلت تمويلات المشروعات الصغيرة والمتوسطة ل 8.3 مليار جنيه بنمو يبلغ 33% عن السنة اللى قبلها، وكمان صعدت الودائع لنحو 106.6 مليار جنيه، بالإضافة لمعدلات الربحية ل 3.012 مليون جنيه بعد خصم الضرائب، أما بالنسبة لصافي الدخل من العائد فسجل هو كمان 5.98 مليون جنيه.

عشان كده، البنك المركزي مهتم دلوقتي جدا بزيادة الخدمات البنكية المقدمة للعملاء والجمهور بشكل يومي من قبل كل البنوك اللي شغالة في القطاع المصرفي المصري، واللي بالتالي هتعزز نشاط القطاع المصرفي، وتزود فرصته في دعم ودفع نسب النمو.

عشان كده، البنك المركزي طالب البنوك بتقديم منتجات تقدر تحفز العملاء على التعامل مع البنوك، والإقبال بشكل أكبر على خدماتها في الفترة الجاية، عشان تحصل انتعاشة في القطاع المصرفي أكبر من اللي حصلت السنة اللي فاتت، وبالتالي تقدر البنوك تكون داعم قوي للاقتصاد وبتؤدي دورها على أكمل وجه ممكن.

وفي استجابة للبنك المركزي، أعلنت عدد من البنوك عن تعزيز خدماتها وكمان طرحت خدمات جديدة للعملاء بحيث إنها تقدر تجذب أكبر عدد من العملاء وفي نفس الوقت تقدم لهم الخدمات اللي هما عايزينها بأسهل طريقة ممكنة وفي أسرع وقت.