مصر عملت إيه عشان تستقطب استثمارات أجنبية بمليارات الدولارات؟.. هنقولك السر
مصر في الوقت الحالي واحدة من اهم الدول اللي عليها اقبال كبير في دخول الاستثمارات الأجنبية وخصوصا في المشروعات الصناعية الاستراتيجية.. ياتري اية السر في دخول الاستثمارات دي في السوق المصري.. ومصر مستهدفة توصل لكام استثمارات.
مع بداية الفترة الرئاسية الجديدة للرئيس عبدالفتاح السيسي، صدرت توجيهات من القيادة السياسية بتقديم كل التحفيزات لدخول الاستثمارات الأجنبية للسوق المصري وتذليل العقبات اللي كانت بتهدد عجلة الاستثمار في مصر في السنين اللي فاتت، والهدف من كل الخطوات هو دعم الصناعة المصرية وسد احيتاجات السوق المحلي من المنتجات المحلية والتصدير للخارج، وتحقيق الموازنة في الفاتورة الاقتصادية لمصر.
في السنين اللي فاتت الحكومة، قدمت عملت تحفيزات وبنية تحتية كبيرة جدا لاستقبال الاستثمارات الأجنية، وفعلا الحكومة نجحت في تاسيس 149 منطقة صناعية و 16 منطقة صناعية تانية بنظام المطور الصناعي في عدد كبير من المحافظات المصرية، وعملت نسبة كبيرة من الأرصفة والمحطات الجديدة، وبتقوم علي تشغيلها عدد كبير من كبريات شركات إدارة وتشغيل محطات الحاويات العالمية والخطوط الملاحية العالمية ده غير التحفيزات الكبيرة اللي قدمتها الحكومة للحصول علي الاراضي لبناء المصانع، والتقديم بيكون كله الكتروني من خلال بوابة مصر الرقمية.
الخطة اللي قدمتها مصر للتحول الي مركز اقليمي للتبادل التجاري كان لازم عندنا بنية تحتية تكون قادرة علي استقبال وتصدير كل البضائع لكل دول العالم خصوصا أنه عندنا عدد كبير من المؤاني البحرية والتجارية، واللي هما متنفس كبير لمصر مع كل قارات العالم، وعلشان نوصل للهدف الرئيسي للتحول لمركز اقليمي للتبادل التجاري فالدولة انتهت من تجهيز 33 ميناء جاف ومنطقة لوجستية، وقدمت إعفاءات ضريبية وتحسين البنية التحتية للمدن الصناعية، وإطلاق الاستراتيجية الوطنية للصناعة (2024-2030) واللي بتهدف إلى تحقيق التنمية الصناعية المستدامة، وانشئت شبكة متطورة من النقل بأطوال وصلت لـ 7 الىف كيلومتر للشبكة القومية الحديثة للطرق، بالإضافة الي 2000 كيلومتر كاطوال الشبكة القومية الحديثة لشبكات القطار الكهربائي السريع، واخيرا 10 الاف كيلو متر كاطوال الشبكة القومية للسكك الحديدية ، والبنية التحتية دي هيا الاساس اللي مصر شغالة عليه حاليا لتحفيز الاستثمارات الأجنبية للدخول للسوق المصري.
