زيارة وراها ملايين.. رئيس وزراء كرواتيا جاي يعمل إيه في مصر؟
مصر حاليا بتستهدف زيادة الاستثمارات الأجنبية المباشرة من كل دول العالم، لكن المرة دي الاستثمارات الجديدة هتكون من كرواتيا.. ياترى اية حكاية الاستثمارات دي .. ومصر مستهدفه توصل بكام استثمارات وتبادل تجاري مع كرواتيا.
الفترة الرئاسية الجديدة مستهدفة زيادة وعودة الاستثمارات الأجنبية في كل المجالات، والحكومة في الفترة اللي فاتت قدمت تحفيزات كبيرة للاستثمارات الأجنبية للدخول للسوق المصري سواء من خلال تخصيص الاراضي أو تقديم الرخص اللازمة للتشغيل والانتاج وده بيحصل من خلال منح الرخصة الذهبية لعدد كبير من المشروعات اللي بتدخل السوق المصري.
الدولة بتستهدف من زيادة الاستثمارات الأجنبية في السوق المصري هو تغطية حاجة السوق المحلي ووقف الحاجة لعدم الاستيراد من الخارج، خصوصا أن الفترة الاستيرادية لمصر في السنين اللي فاتت وصلت لارقام ضخمة واغلبها كان لسلع استفزازية ممكن المواطن المصري يتستغني عنها أو يستبدلها بمنتجات محلية، وعلشان كده الدولة فتحت السوق المصري قدام الاستثمارات الأجنبية للدخول وبناء وتشغيل المصانع اللي هتكون منتاجها لتعويض السلع اللي كانت مصر بتستوردها من الخارج واللي كانت بتكلف مصر مليارات الدولارات، وكمان الشركات والصناعات دي هتكون بوابة مصر لزيادة الصادرات وزيادة فاتورة مصر التصديرية للخارج.
الحوافز اللي قدمتها الحكومة خلت كبريات الشركات تتهافت علشان تدخل السوق المصري، خصوصا أن مصر عندها خطط أنها تتحول لمركز اقليمي للتبادل التجاري وتبادل الطاقة، وده مش هيتحقق الا لما تكون مصر مركز انتاج صناعي كبير قادر علي التصدير لدول العالم الخارجي.
طيب اية حكاية الاستثمارات الكرواتية الجديدة اللي هتدخل السوق المصري؟.
من كام ساعة الدكتور مصطفي مدبولي رئيس مجلس الوزراء استقبل رئيس وزراء جمهورية كرواتيا، علشان يترواسوا منتدى اقتصادي لرجال الأعمال المصريين والكرواتيين؛ لبحث فرص التعاون الممكنة في مجالات الأعمال المختلفة، والمنتدي ده بيناقش فرص الاستثمار المتاحة قدام الشركات الكرواتية في السوق المصري، وزيادة التبادل التجاري بين البلدين واللي بيوصل لـ 203,9 مليون دولار.
وعلشان نكون عارفين أن مصر واحدة من اكبر الدول المصدرة للسوق الكرواتي ووصل حجم الصادرات المصرية هناك لـ 107.8 مليون دولار في 2022 كصادرات سلعية، ووصل معدل صادرات مصر من الوقود والزيوت المعدنية ومنتجات تقطيرها لـ57.5 مليون دولار، والدائن ومصنوعاتها بقيمة 14.7 مليون دولار، والملابس بقيمة 13.4 مليون دولار، وأسمدة بقيمة 4.2 مليون دولار.
مصر كمان في الوقت الحالي بتعد من اكبر الدول المصدرة للخضروات والنباتات ووصلت فاتورة تصديرها لـ 3.2 مليون دولار، وفاتورة تصدير الفواكه وصلت لـ2.5 مليون دولار، وآلات وأجهزة ومعدات كهربائية بقيمة 1.9 مليون دولار، وشحوم ودهون وزيوت حيوانية ونباتية بقيمة 1.7 مليون دولار، وألمونيوم ومصنوعاته بقيمة 1.2 مليون دولار، وسكر ومصنوعات سكرية بقيمة 1.1 مليون دولار.
الاجتماعات المصرية الكرواتية هتناقش كمان إنشاء خط ممثال لخط الرورو اللي موجودة حاليا مع مع إيطاليا، واستعداد مصر لتوفير العمالة الماهرة للعمل في السوق الكرواتي، ده غير دعم التعاون في قطاع البترول.
