حلايب وشلاتين.. مصر تبحث عن مليارات الدولارات في كنوز الجنوب
تقدر تقول عليه كنز طبيعي والدولة لو استغلته صح هتدخل مليارات الدولارات كل سنة منه.. إيه الحكاية وإيه المشروعات اللي بنتكلم عليها وفين مكانها.
مصر بلد سياحي من الدرجة الأولي عالميا وفيها مقوامات سياحية تخليها البريمو في سوق السياحة الدولية ودا بفضل التنوع اللي فيها ومصر تقر تقول إن فيها كل أنواع االسياحة اللي ممكن تفكر فيها شركات السياحة والضيافة والسفر الدولية زي سياحة الترفيه والسياحة الدينية والسياحة الثقافية وزيارة الأثار والسياحة العلاجية وسياحة السفاري وغيرها كتير من أنواع الترفيه اللي ملايين السياح حولين العالم بيدورو عليها في مواقع التواصل الاجتماعي أو الانترنت أو من خلال شركات السياحة.
مصر عندها كل عوامل الانطلاق السياحي من بنية أساسية قوية والأمن والامان و الخدمات السياحية وكل أنواع السياحة ومنها سياحة السفاري والاستكشاف واللي بتعتمد على الطبيعة الخلابة واللي من صنع البيئة ودا موضوع تقريرنا النهاردة واللي هنتكلم فيه عن كنز سياحي مصر في انتظار الترويج ليه أكتر من كده وهي مناطق حلايب وشلاتين في أقصي جنوب مصر.
اشمعنا حلايب وشلاتين اللي بنتكلم عنهم؟
لأنهم ببساطة فيها مقومات وامكانيات تخليها مصدر سياحي من الدرجة الأولي ويجيب مليارات الدولاررات لأنها سياحة بتعتمد على الجمال والطبيعة الخلابة من حيث الوديان والجبال والنباتات والحيوانات النادرة وتقدر تقول عليها محمية شكلتها الطبيعة.
حلايب وشلاتين جغرافيا بتتبع محافظة البحر الأحمر وهي من المحافظات الواعدة الجاذبة لملايين الوافدين من المصريين والأجانب رغم قلة عدد سكانها وهي أطول محافظة في مصر بطول 1080 كيلومتر بداية من خليج السويس شمالا لغاية حدود مصر الجنوبية مع السودان جنوبا.
ومن المعالم اللي مش موجودة في العالم على سبيل المثال هي وادي الدئيب ودا أشهر وأكبر الأودية في الصحراء الشرقية وبيتميز بجماله الطبيعي الفريد وأهمية بيئية كبيرة ويقع هذا الوادي جنوب غرب مدينة شلاتين وهو أطول الأودية الجبلية في المنطقة ويشكل جزء من محمية علبة الطبيعية اللي بتضم مجموعة نادرة من المناظر الطبيعية والأنظمة البيئية الفريدة والنوع دا من المحميات ليه عشاقه من مختلف دول العالم وبالملايين لأنها بتجمع كل أنواع السياحة في وقت واحد من حيث الترفيه والتثقيف والمغامرة والسفاري واكتشاف الطبيعة.
الحكومة المصرية وضعت خطط للاستفادة من المنطقة سياحيا ضمن خطة أكبر للوصول للرقم 30 مليون سائح قبل 2030 وبمجرد ما تتحط حلايب وشلاتين على الخريطة السياحية هتحقق أرقام ضخمة وهتستقبل الاف وامكن ملايين السياح سنويا بعد إعداد المنطقة بالبنية اللازمة لاستقبال الاعداد دي من مناطق معيشية وفنادق تناسب الطبيعية البدوية للمكان ووسائل الاتصال والراحة.
