هتحل كل مشاكل مصر.. الدولة بتعمل إيه عشان تعيد إحياء الصناعة المصرية؟
الصناعة واحدة من الحاجات اللي الحكومة هتعتمد عليها في 2025.. والحكومة شايفة أن الصناعة هتكون واحدة من ادوات الحكومة لتوفير عملة اجنبية كبيرة للدولة المصرية... ياتري الحكومة هتحقق ده أزاي.. ومصر مستهدفة تحقق كام من الصناعة في 2025
مع تشكيل الحكومة الجديدة في فترة الولاية الجديدة للرئيس عبدالفتاح السيسي، صدرت تكليفات مباشرة للحكومة باعادة إحياء قطاع الصناعة، وبحث سبل تشغيل المصانع المتوقفة علشان عجلة الانتاج فيها تدور وتكون اداه من ادوات الحكومة في سد النقص في المنتج المحلي وكمان التصدير للخارج.
تكليفات القيادة السياسية للحكومة بدأت تتنفذ من قبل تشكيل الحكومة، والدولة شافت أنها تضم وزارة الصناعة مع وزارة النقل تحت اشراف الفريق كامل الوزير، وكمان الحكومة شكلت لجنة لإعادة احياء قطاع الصناعة برئاسة الدكتور مصطفي مدبولي رئيس مجلس الوزراء، وعضوية عدد كبير من الوزارات والهيئات الموجود في مصر، وهدف اللجنة دي هو بحث اسباب توقف عجلة الانتاج في المصانع اللي توقف في مصر وكمان التوسع وتقديم التحفيزات لدخول الاستثمارات الاجنبية للسوق المصري.
اللجنة المكلفة بإدارة ومتابعة ملف الصناعة بدأت خطتها لاعادة احياء الصناعة المصرية، بعمل جولات ميدانية علي المصانع علشان يشوفوا اسباب توقف او تباطئ عجلة الانتاج فيها اية، وكمان يشوفوا اي الحاجات اللي بتعيق الشركات والمصانع اللي شغالة علشان توسع شغلها وتزود انتاجها، وكان الدكتور مصطفي مدبولي رئيس مجلس الوزراء بينزل بنفسه يلف علي المصانع علشان يتابع حركة وعوائق التشغيل بنفسه، وكان بيوجه الحكومة لحظينا بحل أي مشكلة بتواجهة مستثمر علشان يوسع شغله ويزود أنتاجه، أو مصنع عنده أزمة أو مشكلة تسبب في وقفه عن العمل والإنتاج.
اللجنة كمان نجحت في عده احياء عدد كبير من الصناعات اللي مصر كانت في وقت من الاوقات رائده فيها زي صناعة الغزل والنسيج واللي مصر كانت لها الريادة مش بس قاريا ولا علي المستوي العربي ولكن كان لها صيتها علي مستوي العالم بسبب وجود القطن المصري طويل التيلة، خصوصا أن كان في مشاكل تسبب في توقف عجلة الانتاج بالمصانع وكان بعضها خرج من الخدمة، وكانت نتائج الزيارات اللي قام بيها مجلس الوزراء، هيا احياء الصناعة دي مرة تانية.
صناعة السيارات كانت برضوا واحدة من اللي خرجت من السوق المصري، والحكومة قدمت تحفيزات وتسهيلات كتيرة للمستثمرين ورؤوس الاموال الاجنبية علشان يدخلوا السوق المصري في كل الصناعات وخصوصا في قطاع صناعة السيارات والنتيجة دلوقتي أن مصر هتكون في وقت قريب قوي واحدة من اكبر الدولة المصدرة للسيارات في العالم، ده غير عودة احياء شركة النصر للسيارات واللي كانت واحدة من العلامات البارزة في الصناعة المصرية، وحاليا الدولة بتستهدف الوصول بالصناعة لتحقيق 7 مليار دولار في الناتج القومي المصري في 2025 .
