ولعت نار.. أسباب الارتفاع الكبير لأسعار الدهب في مصر
أسعار الذهب في مصر بقت نار والجرام عيار 21 عدي 4 الاف جنية .. يا ترى أسعار الذهب رايحة علي فين الفترة اللي جاية.. وامتي الذهب هيوصل لـ5 الاف جنية.. وهل ممكن الاسعار تنزل الفترة اللي جاية.
اسعار الذهب رايحة علي فين، دي اكثر جملة هتسمعها الايام دي خصوصا أن اسعار الذهب في مصر دلوقتي تعدت كل التوقعات والاسعار واضح أنها مكملة وكل يوم في زيادة جديدة.. والزيادات دي جت عكس كل التوقعات اللي اكدت أن اسعار الذهب هتنزل بشكل عالمي وفي مصر علي وجه الخصوص خصوصا بعد الأخبار الأخيرة بعودة الهدوء للشرق الأوسط واللي كانت لها تاثير سلبي كبير جدا علي الأوضاع الاقتصادية في مصر بشكل كامل.
مع نهاية الاسبوع اللي فات واسعار الذهب عدي الـ4 الاف جنية، وابرز المتشائمين كان مستبعد أن الذهب يوصل للارقام دي علي الاقل في الفترة دي خصوصا ان سعر الصرف في مصر من فترات طويلة وهو يعتبر شبه ثابت والزيادات فيه بتكون بدرجات معقولة، وبالتالي كل الأسعار في مصر معقولة وفي فيها زيادات بالدرجة الغريبة أو خارج التوقعات، الا الذهب هو الوحيد اللي كسر القاعدة دي، واسعار في وقت قصير جدا ارتفعت باكثر من 400 جنيه للجرام عيار 21 واللي هو الاكثر مبيعا في الأسواق المصرية خصوصا في القري والمحافظات، والرقم ده أول مرة الذهب يوصل له من وقت القرارات الاقتصادية اللي اقرتها الحكومة المصرية بتحرير سعر الصرف بشكل مرن في مصر واللي كانت في مارس 2024 واللي كان الهدف منها القضاء علي وجود سعرين للعملات الأجنبية في مصر.
طيب اية اسباب ارتفاع اسعار الذهب في مصر ؟.
شعبة الذهب قالت أن ارتفاع اسعار الذهب في مصر السبب الاساسي فيها هو تاثرها بالاسعار العالمية واللي ارتفعت في الوقت الأخير بسبب الصراعات التجارية اللي موجودة دلوقتي بين الولايات المتحدة الأمريكية والصين واللي هما بيعتبروا اكبر قوتين اقتصاديتن في العالم، والصراع اللي موحو بينهم بيهدد اسعار الطاقة العالمية بشكل كامل واللي هيا السبب الرئيسي في ارتفاع أسعار الذهب في العالم كله، خصوصا أن الصين في الفترة الاخيرة اشترت كميات كبيرة من الذهب العالمي، وده اللي عمل ازمة كبيرة في الاسواق العالمية.
الحرب التجارية اللي اشغلها الرئيس الامريكي دونالد ترامب بفرضه رسوم تجارية جمركية علي البضائع اللي بتدخل بلاده من الصين علي أزمة كبيرة جدا في حركة التجارة العالمية خصوصا أن الصين بتعد أول مصدر للتجارة العالمية، والصين ردت علي قرارات بفرض روسوم جمركية علي البضائع الأمريكية، وبالتالي حركة التجارة العالمية حاليا بتواجه شبه حالة خمول وتوقف واللي اثرت علي حركة مبيعات الذهب في الوقت الحالي.
