خطة هتجذب مليارات الدولارات.. إزاي الدولة هتأمن احتياجات الشركات والمصانع الأجنبية الجديدة من الكهرباء؟
الفترة الأخيرة شوفنا عدد كبير من الشركات ورؤس الاموال الأجنبية دخلت السوق المصري.. ياتري الدولة هتوفر الكهرباء علشان تشغل المصانع والشركات دي أزاي.. وهل ممكن الدولة تقطع الكهرباء علي الناس تاني علشان توفرها للمصانع والشركات الأجنبية.
الحوافز اللي قدمتها الدولة للمستثمرين ورؤس الاموال الأجنبية علشان تشجع الاستثمارات في السوق المصري، خلت مصر هدف رئيسي وأولي لاي مستثمر بيدور علي بلد خارجي علشان يبني مصنع أو يفتح مشروع، خصوصا أن مصر بتقدم حوافز وتسهيلات صعب قوي علي اي دولة في العالم لو كان مش مستحيل أنها تقدم الحوافز والتسهيلات اللي طرحتها الحكومة المصرية.
واحد من الحاجات المهمة اللي بتقدمها الدولة للمستثمرين وروؤس الاموال الاجنبية علشان تشجعهم أنهم يدخلوا السوق المصري هيا الخدمة والبنية التحتية المناسبة للتشغيل والتصدير والنقل، والنقطة دي بالذات الدولة في كل السنين اللي فاتت وتحديدا من وقت تولي الرئيس عبدالفتاح السيسي لقيادة الدولة ، ومصر عملت ثورة كبيرة علشان نعيد بناء البنية التحتية.. وفي خلال كام سنة فاتوا الدولة عملت بنية تحتية متعمتلش في مصر من الالآف السنين من طرق وكباري ومشروعات ومؤاني وتحديث كام لشكبة الكهرباء والطاقة، واكتشافات بترولية كبيرة علشان تامن المخزون المحلي من الوقت والغاز الطبيعي اللازم لسد حاجة السوق المحلي وكمان تشغيل المصانع .
طيب ازاي الحكومة هتأمن التيار للشركات والمصانع الجديدة واحنا اصلا كنا من فترة قريبة كان عندنا تخفيف أحمال وقطع للكهرباء بشكل يومي؟.
الحوافز الجديدة اللي حطتها الحكومة لدخول الاستثمارات الأجنبية للسوق المصري بتشمل قيام الدولة بتوفير البنية التحتية والطاقة للمستثمرين بشكل أمن وفعال ومستمر وكهرباء تفضل شغالة علي مدار الـ24 ساعة.
الحكومة كمان قدمت حوافز للمستثمرين ورؤوس الأموال الأجنبية بامكانية تركيب وبناء محطة لتوليد الطاقة اللازمة للمصانع باستخدام الواح الطاقة الشمسية، والحكومة أكدت أنها بتقدم تسهيلات كبيرة للمستثمرين الأجانب في شراء ودخول الواحد الطاقة الشمسية في حالة اسيترادها من الخارج، ده غير التسهيلات برضوا لتركيبها وتشغيلها وربطها مع الشبكة الموحدة للكهرباء وتركيب العدادات الخاصة بالنوع ده من التركيبات.
الحكومة أكدت أن اي مستثمر عايز يبني أو يشغل محطة طاقة شمسية خاصة بمصنعة أو شركته، فيبدأ فورا وبدون اي طلبات أو انتظار اي موافقات، خصوصا أن الدولة بتستهدف رفع العبئ والتخفيف علي الشبكة الموحدة للكهرباء، ده غير التسهيلات الكبيرة اللي بتقدمها الحكومة للمستثمرين للحصول علي الأراضي لبناء المشروعات والتوسعات اللازمة ليها، والتسهيلات الكبيرة اللي بتقدمها الدولة للحصول علي التراخيص ومنح الرخصة الذهبية للمشروعات واللي بتكون عبارة عن موافقة واحدة بالبناء والتشغيل ومش محتاجة اي موافقات تانية، وكل التسهيلات دي الهدف منها هو تشجيع الصناعة المحلية لسد النقص في البضائع والسلع اللي بيحتاجها السوق المحلي والاتجاه للتصدير وتخفيف الضغط علي الدولة لتوفير الدولار لاستيراد البضائع والسلع من الخارج.
