التصدير معركة الاقتصاد الرئيسية.. الأرقام رايحة على فين
ايه الملف الأهم في مكتب رئيس الحكومة الدكتور مصطفى مدبولي والأرقام رايحة على فين في الملف ده وازاي بيعتبر معركة حياة أو موت للاقتصاد المصري وامتى المصريين هيحسوا بتحسن مواردهم ودخلهم.
أي دولة في العالم اقتصادها بيقوم على اكتر من مورد يعني فيه اقتصاديات بتعتمد على الوقود زي دول الخليج العربي كده وفيه دول اقتصادها قائم على اكتر من مصدر قوة زي أوروبا وأمريكا واليابان واللي حققت معادلة الرخاء الاقتصادي ومستوى معيشة عالي من خلال الزراعة والصناعة بكل أنواعها والانتاج الوفير والتصدير وبقت مواردهم اكتر بكتير من استهلاكهم ودا حقق عندهم وفرة مالية ضخمة خلقت مستوى رفاهية كبير لمواطنيها.
التجارب الاقتصادية الناجحة ظهرت في النموذج الاوربي والأمريكي والكوري الجنوبي والنمور الآسيوية بالإضافة إلى روييا وحتى في دول قريبة مننا زي تركيا وكان كلمة السر في النجاح دا هو وفرة الإنتاج والتصدير وتحقيق موارد مالية كبيرة من الناشطين دول بجانب نشاطات خدمية تانية زي السياحة والسفر لكن فضل الإنتاج والتصنيع والتصدير هو الأساس في النهضه الاقتصادية للدول دي ودا طبعا مع منظومة علمية قايمة على ربط سوق العمل بالتعليم الحديث.. ومصر عشان توصل للمستويات المعيشية دي واقتصادها يبقي قوى وتحقق وفرة مالية لازم تمشي على نفس الخط اللي مشيت فيه دول أوروبا ومعركتها الحقيقية تكون في التصنيع والإنتاج والتصدير.
طيب مصر وصلت لغاية فين في الملفات دي؟
لو بصينا للأرقام اخر 10 سنين هتلاقي إنه لاول مرة مصر تكون عندها خطط اقتصادية واضحة وبتتنفذ على مدار مدة زمنية معروفة ومعلنة واعلنت عن رؤية مصر 2030 عشان تحقق نهضة اقتصادية حقيقية معتمدة على الإنتاج والتصنيع والتصدير ودا محتاج جهد ضخم لكن الأرقام مبشرة رغم الظروف الطارئة اللي واجهتها مصر بداية من جائحة كورونا ولغاية الأحداث اللي في المنطقة.
طيب رؤية مصر 2030 بتقول ايه ؟
في 2016 أطلقت مصر رؤية 2030 واللي بتهدف لتبني مسيرة تنموية واضحة لتحقيق اقتصادي مزدهر وإحياء الدور التاريخي لمصر في الريادة الإقليمية وخريطة طريق تستهدف تعظيم الاستفادة من المقومات والمزايا التنافسية وتنفيذ أحلام وتطلعات الشعب المصري في توفير حياة لائقة وكريمة وتحقيق الرخاء من خلال التنمية المستدامة يعني أهم بنودها تحقيق اقتصاد قوي يجيب موارد مالية ضخمة تسمح بزيادة الدخول للمواطنين وزيادة قدرتهم الشرائية والكفاية وعبور خط الدخول المنخفضة والمتوسطة.
والدولة اشتغلت على كل محاور الاقتصاد المتنوعة في مصر لتعظيمها وفي مقدمتها القطاعات الاقتصادية الرئيسية زي الزراعة والصناعة والتجارة والاستثمار بجانب القطاعات الخدمية زي السياحة وقناة السويس وتحويلات المصريين بالخارج وفي الزراعة مثلا الدولة أضافت حوالي 4 مليون فدان للرقعة الزراعية لغاية دلوقتى ولسه مشروعات استصلاح الأراضي مستمرة لتحقيق وفرة في الإنتاج الزراعي وتعميق التصنيع المعتمد على المنتجات الزراعية بدل تصديرها خام وحققت الصناعات الغذائية صادرات بقيمة 5.5 مليار دولار ودا غير صادرات المنتجات الزراعية واللي وصلت 4.1 مليار دولار.
كمان الدولة اتبنت خطط تصنيع طموحة من خلال برامج توطين الصناعة الأجنبية وزيادة الصناعة المحلية وتطويرها وشفنا اللي بيحصل في الملف دا فى الفترة الأخيرة وازاي الحكومة هتصنع كل منتج بنستورده ودا هيحقق اكتر من هدف في وقت واحد أولها تقليل فاتورة الاستيراد وتأتي حاجة زيادة التصدير واللي وصل ل40 مليار دولار وهو رقم لسه صغير بس كبداية مشجع ونالت هدف هو تحقيق الاكتفاء المحلي من التصنيع والإنتاج والخطط حسب الرؤية الاستراتيجية لمصر بتهدف للوصول بصادرات مصر ل145 مليار دولار كمرحلة أولى.
