إيه أكتر عربيات اتباعت في مصر 2024.. وتوقعات الأسعار إيه في 2025 ؟
يا ترى أسعار السيارات في مصر رايحة على فين، هل أسعار سنة 2024 لسه مكملة معانا في السنة الجديدة، ولا في خريطة جديدة للأسعار في 2024، طب إيه هي الأنواع الأكثر إقبالا من الناس أو الأكثر شراءا، ولو ناوي تشتري تعمل إيه.
سوق السيارات الزيرو في مصر، كل شوية تحصل فيه تغيرات، والدليل على كده اللي حصل في 2024، واللي هي قفازات متتالية في أسعار العربيات.
ورغم القفزات دي، إلا أن مبيعات السيارات في مصر خلال الفترة من يناير لحد أكتوبر 2024، سجلت 78.427 ألف سيارة، مقارنة بـ70.010 ألف سيارة في نفس الفترة من سنة 2023.
واتصدرت شركة نيسان قايمة المبيعات في مصر، واتفوقت بقوة على منافسيها التقليديين، وحققت الشركة مبيعات ب 11.800 سيارة خلال سنة 2024.
وجت فق المركز التاني ( MG)، وسجلت مبيعات جبارة، خاصة من طراز MG RX5 2024، اللي بيتميز بمحرك دفع أمامي سعة 1.5 لتر مع أربع أسطوانات، واللي بيعتبر اختيار اقتصادي ومناسب لناس كتير.
نيجي بقى للمركز التالت، واللي احتلته شركة تويوتا، في مبيعات السيارات في 2024، خاصة طراز تويوتا كورولا، اللي بينتمي لفئة العربيات الشعبية الكبيرة، واللي بتجمع بين التصميم الفاخر والكفاءة القوية.
رابع شركة حققت مبيعات السنة اللي فاتت هي ( هيونداي)، بإجمالي 8.900 سيارة في السوق المصري، وبعدها شركة (بي واي دي) واللي باعت 4.088 سيارة، وحققت المركز الخامس في قائمة السيارات الأكثر مبيعًا.
أما بقى لو ناوي تشتري عربية في 2025، فهنقولك خريطة الأسعار مع بداية السنة، يعني مثلا عربية MG 7 موديل 2025، وصل سعرها ل مليون و810 ألف جنيه.
كمان، سعر عربية تيجوان موديل 2025، سجل 2 مليون و750 ألف، أما رينو موديل 2025 ASTRAL فسجلت 2 مليون و400 ألف جنيه، وعربية موديل سيات إبياز FR2025، سجلت مليون و400 ألف جنيه، كمان وصل سعر سيارة موديل جيلي كولدري 1.5،GL،STANDARD 2025k لمليون و200 ألف جنيه.
ضيف للقايمة، عربية موديل سيات 1.4 TARRACO،2025 FR اللي سجلت 2 مليون و480 ألف جنيه، كمان رينو A/T 1.3 EVOLUTION سجلت مليون و600 ألف جنيه مصري، وكمان عربية هافال H6 أتوماتيك لمليون و580 ألف جنيه، وكمان عربية هافال H6 أتوماتيك Deluxe SR 2024 سجلت مبلغ مليون و460 ألف جنيه، أما شيرى 8 تيجو أتوماتيك Luxury 7 Seats 2025، فوصل سعرها بمليون و305 ألف جنيه.
وقبل ما تشتري، لازم تجمع معلومات عن العربية اللي انت ناوي تشتريها كويس، ويفضل تاخد معاك حد فاهم في العربات عشان يتأكد من جودتها ويختبرها كويس، ولو عجبتك العربية وطلعت مناسبة ليك ماتنساش تعمل عقد رسمي بعملية البيع والشراء ويكون موثق في الجهات الحكومية وده عشان تضمن حقك.
وياريت تشتري من مكان معروف ومضمون وسمعته كويسة، وماتنساش توثق أوراق العربية أول بأول، عشان تضمن حقك وفلوسك في نفس الوقت، ومايتنصبش عليك، وتضمن حقك كويس.
