مؤشر نيمبو قال إيه على مؤشرات المعيشة في مصر.. تقرير يصدم منابر الفتنة
إيه حكاية التقارير الدولية الأخيرة عن الاقتصاد المصري ومستوى المعيشة وايه المفاجأة اللي قلبت خطط قوى الشر فجأة.
في وقت مصر بتتعرض فيه لحملة شرسة من الهجوم والاشاعات والأكاذيب بتصدر تقارير دولية بتنصف الدولة وبتسلط الضوء على النجاحات اللي خفافيش الظلام مش شايفينها أو مش عاوزين يشفوها لأنهم رافضين يشوفو مصر بتكبر وبتتطور وعاوزينها خرابة وغرقانة في المشاكل والفقر لكن مصر كل يوم بتثبت أنها دولة قوية وماشية صح في كل القطاعات وكل يوم بتنور أكتر.
اخر تقرير صدم خفافيش الظلام ودعاة الفتنة واىفقر كان من منصة. بيزنس أفريكا وهي منصة معتمدة دوليا وعندها سمعة وثقة في كل مؤشراتها الاقتصادية وعندها فريق ابحاث ممتاز وحسب تقرير المنصة جاءت مصر ضمن قائمة أفضل خمس دول إفريقية من حيث مؤشر جودة الحياة لسنة 2025 والمنصة شايفة إن صدارة مصر لمؤشر جودة الحياة نابع من نجاح الحكومة في إحداث توازن في جهود الدولة بين تحقيق التنمية المستدامة ومواجهة التحديات الاقتصادية اللي بيعيشها العالم.
مش بس كده دا التقرير قال كلام كتير مهم زي ان مصر احتلت كمان مركز متميز في بيانات مؤشر "نيمبو" لتكلفة المعيشة في العالم ودا بيأكد على سعيها المستمر لتحسين مستوى معيشة مواطنيها وتعزيز جودة الحياة وضمت القايمة جنوب إفريقيا وتونس والمغرب وكينيا بجانب مصر وحسب التقرير الدول دي شهدت تقدم ملحوظ في مستويات المعيشة والخدمات الأساسية يعني المؤشر العالمي واللي مش بيجامل حكومات ولادول أكد أن مصر بتتقدم في طريق توفير حياة معيشية مناسبة للمصريين وإن كل القرارات والمجهود اللي بتعمله الدولة راجع في النهاية للمواطن وإن أي خطط للإصلاح الاقتصادي بيكون ليها اثار جانبيه بس الدولة قدرت تحتوي كتير منها وفي عز أزمة مصر في السنتين اللي فاتوا مفيش سلعة اختفت من السوق.
طيب ايه هو مؤشر نيمبو دا؟
شوف حضرتك مؤشر "نيمبو" دا بيعتبر أداة قياس شاملة لجودة الحياة وبيعتمد على تقييم الظروف المعيشية في المدن والدول بناء على معايير متعددة زي القوة الشرائية وتكاليف السكن وجودة الرعاية الصحية ومستوى الأمان وأوقات التنقل والمناخ ومستويات التلوث و ارتفاع المؤشر في أي دولة معناه إن جودة حياة فيها أفضل وعشان كده بيعتبر من اكتر المؤشرات العالمية لمقارنة مستويات المعيشة في مختلف أنحاء العالم وطبعا احتلال مصر مركز متقدم في المؤشر العالمي دا معناه أن الدولة على الطريق الصحيح وفي نفس الوقت ضربة لقوى الشر واللي بتروج ليل نهار ان الاقتصاد المصري بينهار وإن الدولار هيوصل السحاب وبيحاولو يروجو لدا في آلاف المنصات والحسابات الوهمية على مواقع التواصل الاجتماعي.
مش محتاجين طبعا نقول إن تحسن المؤشرات الاقتصادية مش جاي من فراغ لكن فيه خطط بتتنفذ وبيتابعها الرئيس السيسي على مدار الساعة مع الوزراء والمسؤولين في الدولة وبيهتم بكل التفاصيل وعشان كده البلد بتحري لقدام وكل التقارير الدولية الأخيرة بتأكد إن مصر دخلت انطلاقة جديدة بعد أزمة صعبة جدا اتفرضت عليها من بره بسبب الأحداث العالمية واللي حصل في المنطقة وقالت التقارير أن معدلات النمو في السنة الجديدة هتزيد وهيكون فيه استقرار اكتر في أسواق الصرف وقفزة في التدفقات الدولارية والاستثمارات وتوطين الصناعة والمشروعات الزراعية الضخمة وغير اللي بيحصل في المواني وفي كل شبر في مصر.
