بشاير الحكومة في 2025.. زيادات جديدة في المرتبات
مع بداية كل سنة ميلادية جديدة كل الناس بتكون في انتظار اخبارة حلوة من الحكومة تبدأ بيها السنة، وطبعا مفيش احسن من خبر زيادة المرتبات.. ياتري هل الحكومة هتاخذ قرار بزيادة المرتبات أمتي ومتوقع توصل الزيادة لكام.
اتعودنا من القياسية السياسية علي الرغم من كل الظروف اللي بتمر بيها مصر علي مدار السنين اللي فاتت، وبيجي في أصعب الأوقات ويصدر توجيهات للحكومة باعداد حزمة جديدة من الحماية الاجتماعية واللي بتتضمن زيادة المرتبات والمعاشات وده ضمن خطوات الحكومة لحماية الفئات الاولي بالرعاية والمواطنين من الأحوال الاقتصادية الصعبة اللي بتحيط بكل دول العالم وطبعا لها تاثير مباشر علي مصر والأقتصاد المصري.
طيب امتي الحكومة هتعلن عن الخبر السعيد بزيادة المرتبات والمعاشات ؟
مصدر مسئول بوزارة المالية قال إنه حاليا بيتم إعداد حزمة حماية اجتماعية جديدة، وهيتم الإعلان عنها في الربع الأول من 2025، وده بالتزامن مع الصعوبات المتوقعة على المواطنين خلال 2025.
المصدر كمل كلامه وقال أنه من المتوقع أن يتم الإعلان حزمة الحماية الاجتماعية الجديدة وزيادة المرتبات في الأشهر الأولى من عام 2025، وده زي ما حصل فس السنة اللي فات واللي الحكومة أعلنت عن زيادة المرتبات واللي كانت في شهر فبراير 2024.
المصدر قال كمان أن القيادة السياسية في كل الأحوال وفي اصعب الظروف الاقتصادية اللي مرت علي مصر كانت دايما بتوجه الحكومة باعداد حزمة رعاية اجتماعية لمراعاة الفئات الاولي بالرعاية ومحدودي الدخل خصوصا في ظل الظروف الاقتصادية اللي بتمر بيها مصر، واللي طبعا اثر علي الدخل للمصريين.
طيب هل في اخبار حلوة تاني من الحكومة للمصريين في بداية 2025؟.
في خبر حلو كمان الحكومة ممثلة في وزارة المالية أعلنت عنه في بداية 2025 وهو أن الحكومة قررت تبكير صرف مرتبات شهر مايو للعاملين بكل الوزارات والهيئات والجهات التابعة للدولة، والحكومة حددت 6 أيام لصرف رواتب العاملين و4 أيام لصرف متأخرات مستحقات العاملين.
وزارة المالية قالت أن الحكومة هتبدأ في صرف رواتب العاملين بالدولة عن شهر يناير بدءًا من ٢٢ يناير، والمتأخرات هيتم صرفها في أحد أيام ٥، ٦، ٨، ٩ من شهر يناير برضوا.
وزارة المايلة اعلنت عن بشري كمان للمواطنين وقررت تبكير صرف مرتبات شهر فبراير ومارش، وهيتم صرف مرتبات شهر فبراير بدءًا من ٢٣ فبراير، والمتأخرات هتيم صرفها في أيام ٦، ٩، ١٠ من نفس الشهر.
اما بخصوص مرتبات شهر مارس، فوزارة المالية قالت أنه هيتم صرفها اعتبارا من يوم ٢٣ مارس، والمتأخرات هيتم صرفها في أيام ٦، ٩، ١٠ من نفس الشهر نفسه.
وزارة المالية طالبت العاملين في الجهات الإدارية عدم التزاحم على ماكينات الصراف الآلي خصوصا أن المرتبات هتكون متاحة في أي وقت اعتبارًا من تاريخ بدء الصرف المحدد لكل الجهات الإدارية.
