إزاي الحكومة هتوفر 8 مليون فرصة عمل في 2025؟.. لو عايز تعرف شوف التقرير ده
طبعا توفير 8 مليون فرصة عمل في سنة جديدة بتعتبر معادلة صعبة جدا، مش من السهل تنفيذه، لكن الحكومة المصرية ناوية تنفذها بحذافيرها وتكسر كل القواعد عشان تأكد انها بتتبع سياسات جديدة ومتطورة في الشغل والعمل على خطة التطوير والتنمية المستدامة اللي عاوزة تحققها في أسرع وقت.
وفي الساعات الأخيرة، الفريق كامل الوزير، نائب رئيس الوزراء للتنمية الصناعية ووزير الصناعة والنقل، أعلن عن تفاصيل إطلاق المرحلة الأولى من المبادرة الجديدة لمساندة الشركات في القطاعات الصناعية ذات الأولوية، وقال إن قطاعات الصناعة والزراعة والسياحة هم أساس قيام الاقتصاد القوي، ومفترض إن خلال السنة الجديدة 2025 يتم تشغيل 8 مليون شاب مواطن مصري في القطاعات دي.
والقطاعات دي كمان بتشمل البنية الأساسية اللي تمت في مصر خلال السنوات الماضية؛ مش كباري بس، لأ ده سكة حديد ومترو ووسائل نقل حديثة ومتطورة وغيرها من المشروعات، عشان تساهم في تحقيق النهضة الصناعية الحالية، يعني قريب جدا هنقدر نجنب ثمار ومكاسب اللي نفذناه في السنين اللي فاتت.
كمان، في توجيهات من الرئيس عبدالفتاح السيسي، بضرورة العمل على تقديم الدعم الفني لجميع المصانع والمنشآت الصناعية الصغيرة والمتثرة، وده هيوفر فرص عمل بالملايين للشباب وهيفتح بيوت كتيرة، عشان كده كل الوزارات دلوقتي بتتعاون عشان تحل مشاكل المصانع المتعثرة، في ظل استهداف زيادة مساهمة قطاع الصناعة في الناتج المحلي الإجمالي من 14 إلى 20%، وده اللي هبستهدف توفير من 7 إلى 8 مليون فرصة عمل خلال السنة الجاية 2025.
ورغم أهمية الكلام ده، لكننا لازم نشير ونأكد إن البنية الأساسية اللي حصلت في مصر خلال الـ 10 سنين الأخيرة، ساهمت في دعم القطاع الصناعي، وهنبدأ نجني ثمار ما تم إنفاقه على البنية التحتية في سنة 2025، لأن الهدف هو تحويل مصر لمركز إقليمي للصناعة.
ولأن الحكومة بتستهدف توفير من 8 مليون فرصة عمل خلال 2025، فهيتم دعم القطاع الصناعي بشكل كبير خاصة المصانع الصغيرة والمتوسطة والمتعثرة، وهيتم إدماج مصانع بئر السلم في الاقتصاد الرسمي.
كمان، هيتم حل مشاكل حوالي 12 ألف مصنع متعثر، عن طريق تقديم تيسيرات لهم عشان يحلوا مشاكلهم، وده لأن الدولة بتستهدف زيادة مساهمة الصناعة في الناتج المحلي إلى 12%، خاصة وإن في هناك توجيهات من الرئيس السيسي، بضرورة العمل على تقديم الدعم الفني لجميع المصانع والمنشآت الصناعية الصغيرة والمتعثرة.
وطبعا ماينفعش تحصل نهضة في محافظات مصر بدون بنية تحتية قوية وحديثة، ولا تنمية صناعية، ولا الاهتمام بعودة الصناعات اللي نجحت فيها مصر قبل كده ولها تاريخ مشرف معاها، زي صناعة الغزل والنسيج والملابس الجاهزة والصناعات الهندسية والغذائية والكيميائية وغيرها.
كل دي وأكتر الحكومة المصرية بتراهن عليها عشان تقدر توصل لهدفها وهو تحقيق نهضة صناعة كبيرة، ووضع مصر على مصاف الدول الكبار في الصناعة عشان نرجع الأمجاد من تاني، وكل ده بالتأكيد هيساهم في توفير ملايين فرص العمل للشباب المصريين داخل بلدهم، وهتبقى موجودة في كل المجالات.
