حلم الـ30 مليون سائح.. خطوات الحكومة للوصول إلى هذا الرقم
سنة 2024 كانت واحدة من أصعب السنين علي الاقتصاد المصري بشكل عام، والسياحة المصرية بشكل خاص وده بسبب التغيرات الجيوسياسية اللي حصلت في اغلب الدولة.. ياتري الدولة اتعاملت مع النقطة دي ازاي.. واية كانت مستهدفات القطاع في السنة دي.
السياحة في أي بلد تعتبر حجر الاساس اللي بيتبي عليه اقتصاد الدول، وفي دول كتيرة حوالين العالم النهضة الاقتصادية بتاعتهم قامت علي قطاع السياحة، واغلب الدول بتخسر كل امكانيتها علشان توصل لرقم قياسي الدولة بتستهدف وطبعا كل ما عدد السائحين زاد كل ما ايرادات القطاع ارتفعت.
في البداية ما هو تاثير الأحداث الجيوسياسية علي حركة السياحة الوافدة لمصر؟
الاحداث الجيوسياسية الموجودة بمنطقة الشرق الأوسط لها تأثير مباشر علي السياحة المصرية، مما أدي الي تراجع مصر عن فكرة تحقيق حلم الـ 30 مليون سائح واللي كانت الدولة بتهدف لتحقيقه في 2028، وتحقيق 30 من مليار دولار، وده بسبب الصدي لعالمي للأحداث الجارية بمنطقة الشرق الأوسط، والدولة استهدفت تحقيق زيادة 5% عن الرقم اللي حققته السنة اللي فاتت واللي وصل لــ14.9 مليون سائح .
طيب ازاي مصر تعاملت من الأحداث الجيوسياسية للترويج السياحي لمصر بالخارج ؟
وزارة السياحة والآثار دشنت اكثر من حملة ترويجية للسياحة المصرية، واستهدفت الحملات التأكيد علي الأمن والامان اللي بتنعم به الدولة المصرية، والتأكيد علي أن مصر بعيد تماما كل البعد عن الصراعات الموجودة في منطقة الشرق الأوسط .
وزارة السياحة والآثار استعانت في حملاتها الترويجية التسجيل مع عدد من مختلف السائحين من مختلف دول العالم من مختلف المقاصد السياحية المصرية للتأكيد علي توافر عنصري الأمن والامان في الدولة المصرية، حققت مصر نتائج معقولة في حركة السياحة الوافدة لمصر.
طيب هل التغيرات الجيوسياسية في منطقة الشرق الأوسط هيا اللي كانت لها تاثير علي السياحة المصرية بس ولا في حاجة تانية؟
في الحقيقة مصر حاليا في موقف لا تحسد عليه بسبب اشتعال الصراع في عدد كبير من أبرز الدول المصدرة للسياحة المصرية خصوصا روسيا وأوكرانيا واللي بيهدوا من اكبر الدول في ارسال السائحين لمصر، خصوصا أن تعداد عدد السائحين الروس اللي وصلوا لمصر في عام 2010 واللي بيعد عام الذورة في عدد السائحين الوافدين لمصر واللي سجلنا فيها 14.6 مليون سائح كان منهم نسبة 33% من دولة روسيا.
وعلشان نفهم الأزمة تاثيرها اية لازم نعرف أن مصر خلال فترة تعليق السياحة الروسية الي مصر، اشتغلت علي الترويج السياحي في عدد كبير من دول العالم، كانت المفاجأة أن اوكرانيا تصدرت قائمة الدول الأكثر توافدا للسائحين الي مصر، وبقت الحصان الاسود للسياحة الوافدة لمصر ، وسجلت ارقام مكنش حد يتوقعها أن تحصل من دولة زي اوكرانيا واللي كانت اكتشاف جديد ورافد جديد للسياحة المصرية مكنش معروف لا الأزمة الروسية.
