تعمل إيه عشان تبقى من الأثرياء؟
الثراء أو الغنى.. حلم كل الناس وخاصة الشباب، ولكن مش كتير يعرفوا إنك عشان تبقى غني فلازم تكون بتعرف تحوش فلوسك أو تدخرها بشكل كويسة وكما تستثمرها وتكبرها.
ونقدر نقول إن رحلة الثراء بتبدأ من الادخار أو التحويش، فبتكون أول خطوة لبناء الثروة، لكن الخطوة دي مش كفاية، ومحتاجة بعدها شوية خطوات منتظمة ومدروسة.
وعشان تبقى غني، فممكن تعمل زي ناس كتير، وتحط فلوسك في الأسهم أو العقارات أو السندات أو الدهب، فكل دي وسائل متجربة وأصبحت من الأمور الأساسية عشان تقدر تعمل محفظة استثمارية تكبر بشكل مستمر.
كمان، بتعتبر إدارة الديون عنصر أساسي في الطريق للثراء، فلازم يكون عندك استراتيجية واضحة عشان تسدد ديونك، خاصة لو عليك ديون أو واخد قروض بفايدة عالية.
ولازم برضو، تتعامل على قد إمكانياتك، يعني تصرف أقل من اللي بتكسبه، وده بيعتبر أهم مفاتيح بناء الثروة، فياريت تبعد عن انك ترمي الفلوس وتشتري حاجات مش محتاجها وفي نفس الوقت ماتحرمش نفسك، يعني خليك في المتوسط كده، وياريت لو تخصص نسبة من دخلك للادخار كل شهر.
حاول كمان، تعمل ميزانية كويسة ومحترمة، لأنها بتعتبر خريطة طريق مالية كويسة، هترشد فلوسك وهتساعدك في اتخاذ القرارات المستنيرة بخصوص فلوسك.
وماتنساش نقطة مهمة جدا، وهي إنك توفر في الميزانية ويبقي عندك رؤية واضحة لدخلك الشهري والمصروفات والمدخرات، عشان تضمن إنك ماشي على مسارك الصحيح، وتتجنب الضغوط المالية غير الضرورية، لأن كل ده هيسمحلك تحديد أولوياتك وتبني مستقبل مالي آمن.
وخد بالك، الميزانية بتاعتك لازم تضيف لها كل مصادر الدخل بتاعتك ونفقاتك الثابتة والمتغيرة وكمان المدخرات، وحاول كل شوية تعديلها على حسب الحاجة عشان تتأكد من توفير جزء من الأرباح.
ومهم جدا، مع عمل الميزانية إنك تتابع الإنفاق أو مستوى الصرف بتاعك، لأن المصروفات الصغيرة غير الملحوظة والتغيرات في نمط الحياة بتراكم وتفرض عليك ضغط كبير، كمان لازم تراجع مسار فلوسك بانتظام عشان تضمن انك على المسار الصحيح.
عايزين نقولك كمان، إن في تطبيق زي YNAB أو جدول بيانات بسيط، بتساعدك على إنك تتبع المصروفات بتاعتك بسهولة، ولكن القصة كلها بتعتمد على تحديد الأهداف المالية قصيرة ومتوسطة وطويلة الأجل عشان تقدر تحوش وترفه نفسك في نفسك الوقت وكمان لو عندك ديون تسدها بكل بساطة.
آخر حاجة هي استثمار فلوسك صح، لأن النقطة دي بالذات هي الطريقة الوحيدة اللي هتزود فلوسك وهتعملك ثروة محترمة، لأن الموضوع مش حظ أو سر، لكنه بيتعلق باتخاذ قرارات مالية ذكية واستمرار إصرارك على الثراء مع مرور الوقت.
