الرئيس السيسي وصفقات الدنمارك الضخمة.. مدبولي بيعمل عظمة في قطر.. وصفقة استراتيجية في قطاع الغاز.. و ايه اللي بيحصل في سوق الدولار

متابعينا الكرام في كل مكان أهلا وسهلا بكم وتحليل جديد لأهم الأحداث الاقتصادية والتقارير اللي قدمتها وحدة أبحاث بانكير على مدار الساعة النهاردة السبت 7ديسمبر.

منصات بانكير قدمت النهاردة عدد كبير من التقارير المهمة والبداية مع الحدث الأهم وهو نتاىج زياره الرئيس السيسي للدنمارك  ولقائه مع رؤساء كبرى الشركات الدنماركية والعالمية.
وشرح التقرير إن  الدنمارك دولة من دول الاتحاد الاوربي وفيها شركات عالمية وميزانيتها بمليارات الدولارات وليها استثمارات بالمليارات بردوا في دول العالم ونروح بعيد ليه.. أكيد حضراتكم عارفين شركة ميرسك عملاق الشحن البحري على ضهر الكوكب واللي بتوصل قيمتها السوقية 193 مليار دولارود وهي واحدة من أكبر الشركات العاملة في مجال الحاويات والشحن البحري على مستوى العال

ولفت التقرير إن الرئيس السيسي خلال زيارته للدنمارك اجتمع مع بروبرت ميرسك أوجلا، رئيس مجلس إدارة مجموعة شركة «أيه بي موللر ميرسك» واللي قدم الشكر للرئيس السيسي على الدعم اللي بتقدمه الحكومة المصرية لأعمال الشركة في مصر، وأشاد بالجهود اللي بتقوم بيها مصر لجذب الاستثمارات الأجنبية في مختلف القطاعات، وتذليل أية عقبات أمام الشركات العاملة في مصر وأكد حرص الشركة على تعزيز تعاونها والنظر في زيادة حجم أعمالها في مصر.

وأشار تقرير بانكير إن شركة ميرسك بتنفذ دلوقتي اعمال لطتطوير بعض محطات الحاويات المصرية بهدف تحويلها إلى محطات عالمية لتداول الحاويات في منطقة شرق وجنوب البحر المتوسط بخلاف مشروعات الشركة لإنتاج وتزويد سفنها بالوقود الأخضر، وبما يساهم في جعل مصر مركز إقليمي لعمليات الشركة، سواء فيما يتعلق بتجارة الحاويات أو إنتاج الوقود النظيف

وكشفت وحة أبحاث بأنكير إن   الرئيس عبد الفتاح السيسي اجتمع كمان مع فيليب كريستياني، رئيس شركة شركاء كوبنهاجن للبنية التحتية واللي اكد إن شركته مستعدة للتعاون مع مصر وتعزيز استثماراتها في قطاعات الطاقة النظيفة والمستدامة في مصر ودا بسبب الفرص الواعدة بالسوق المصري وإن الشركة مهتمة بالتوسع في إنتاج الطاقة النظيفة والهيدروجين الأخضر بمصر بما فيها مشروع إنتاج الأمونيا الخضراء وناقش الرئيس السيسي مع رئيس الشركة فرص تعزيز استثمارات الشركة في مصر، والمشروعات اللي ممكن تنفيذها في إطار جهود تطوير التعاون بين مصر والشركة.

وحدة أبحاث بانكير قدمت تقرير خاص النهاردة عن الدولار

وشرح بانكير إن السبب الحقيقي ورا الارتفاع في أسعار الدولار هو السياسة الاقتصادية اللي بتستهدف جذب الاستثمارات الأجنبية المباشرة.. وده من خلال جعل مصر أكتر جذبا للاستثمار في وقت بتواجه فيه مصر تحديات اقتصادية كبيرة.. يعني ببساطة لو الدولار رخص المستثمرين مش هيجيوا علشان العوايد هتبقى أقل لكن لو الدولار ارتفع شوية، العوايد على استثماراتهم في أدوات الدين المصري هتبقى مغرية ليهم أكتر.. والهدف من كده هو إنك تخلي الاستثمارات الأجنبية تفضل في السوق المصري بدل ما تهرب وكمان تجذب استثمارات جديدة.. 
وكشف بانكير إن مفيش أزمة  في توافر الدولار وشرح  إن فيه سيولة دولارية كافية في البنوك لتلبية احتياجات السوق.. و في الحقيقة الحكومة مهتمة إن الأموال الأجنبية تفضل في مصر علشان تدعم الاقتصاد، مش بس من خلال الاستثمارات، لكن كمان من خلال أدوات الدين اللي بتُطرح في السوق

ولفت التقرير إن الهدف من الارتفاع في سعر الدولار مش بس جذب الاستثمارات بس  لكن كمان هو حماية الاقتصاد من هروب الأموال الساخنة اللي هي الأموال اللي بتيجي في فترات معينة وبتخرج بسرعة لو فيه مشاكل أو تذبذب في السوق.. و لما الدولار يرتفع شوية ده بيخلي الاستثمارات الأجنبية في أدوات الدين زي السندات الحكومية مش مجرد حاجة جاذبة لكن كمان بتبقى أمنة أكتر من إنها تخرج بره

وشرح التقرير مصير اسعار الدولار في الفترة الجاية وقال التقرير إن الخبراء متوقعين إن المعركة الاقتصادية هتستمر لكن بما إن الدولار ارتفع بمرونة ومع وجود سياسات واضحة للدولة فالوضع مش مقلق الفكرة كلها في الحفاظ على الاستثمارات الأجنبية وتوجيهها للقطاعات اللي محتاجة الدعم.

منصات بانكير قدمت تقرير مختلف النهاردة عن اتفاقية مهمة جدا لمصر

وشرح التقرير في البداية ان الغاز الطبيعي مش بس مصدر طاقة ده بيأثر على حياتنا اليومية بشكل مباشر في مناحي كتير زي المصانع اللي شغالة وبتنتج وزي شركات الأسمدة وغيرها من اللى بيعتمدوا على الغاز بشكل أساسي

وقال التقرير إنه  في خطوة استراتيجية ضخمة مصر وقعت مع شركة "نيوفورترس" الأمريكية اتفاقية لاستئجار وحدة تغويز عائمة.. الوحدة دي هتكون التانية في السوق المصري وهدفها الرئيس هو استقبال وتخزين الغاز الطبيعي المسال وتحويله للحالة الغازية علشان يتوجه مباشرة إلى الشبكة القومية للغازات الطبيعية..و الفكرة دي مش جديدة لكن في الوقت اللي بنواجه فيه زيادة كبيرة في الطلب المحلي الحل ده بيعتبر خطوة كبيرة لتأمين الإمدادات وزيادة قدرة القطاع على تلبية احتياجاتنا

ولفت التقرير إن الوحدة الجديدة هتكون سعتها التخزينية 160 ألف متر مكعب من الغاز الطبيعي المسال.. مش بس كده ده مع قدرة تغييز تصل إلى 750 مليون قدم مكعب يومياً.. يعني باختصار هتساعد في ضمان تدفق الغاز بكميات ضخمة لمختلف القطاعات الاقتصادية خاصة في أوقات الذروة الصيفية اللي بيزيد فيها الطلب على الطاقة

وشرح بانكير إن وحدة التغييز دي هتتواجد على الرصيف البحري لميناء "سوميد" في العين السخنة والمفروض إن التشغيل يبدأ في النص التاني من 2025.. ده معناه إن البنية التحتية لقطاع الغاز الطبيعي في مصر هتتطور بشكل كبير وده هيساهم في تحسين استدامة الإمدادات بشكل مستمر.

التقرير الأخير معانا في لايف النهاردة بخصوص زيارة رئيس الحكومة الدكتور مصطفى مدبولي لقطر

وقال التقرير إن النهاردة الدكتور مصطفى مدبولي رئيس الحكومة كان في زيارة مهمة جدا لقطر ومهمة لأنها ركزت على الاقتصاد وعلى الصفقات القطرية اللي جاية في مصر واللي اهتمت بيها دوائر رجال الأعمال والمال في قطر وهنسمع اخبار حلوة قريب جدا

وأشار التقرير أن مدبولي استهل زيارته بلقاء أمير دولة قطر ك الشيخ تميم على هامش مشاركته في فعاليات  النسخة الثانية والعشرين من منتدى الدوحة 2024 وكان أهم محور للمناقشات بينهم هو الاستثمارات المشتركة بين البلدين سواء على مستوى الحكومتين او على مستوى القطاع الخاص ومجتمع الأعمال القطري والمصري، وبالأخص من خلال غرفة تجارة وصناعة قطر، والتأكيد على فرص دفع الاستثمارات المشتركة في القطاعات المستهدفة وفي اللقاء أكد الشيخ تميم على أن الاستثمار القطري في مصر أولوية للحكومة القطرية في الفترة الجاية.. .

وشرح التقرير إن مدبولي بعد لقاءه بالشيخ تميم قابل واجتمع لمدة طويلة مع  وفد رجال أعمال غرفة التجارة والصناعة القطرية وكان بحضور الشيخ خليفة بن جاسم آل ثاني، رئيس مجلس إدارة غرفة تجارة وصناعة قطر وأكد مدبولي لرجال الأعمال القطريين أنه تم تجهيز عدد من الفرص الاستثمارية تمهيدا لعرضها على المستثمرين القطريين، في عدد من القطاعات الإقتصادية منها الصناعة، والاستثمار العقاري، والتنمية السياحية، والأمن الغذائي.
ولفت التقرير إن رجال الأعمال القطريين أكدوا أن الفترة الجاية هتكون فيه زيارة لوفد كبير من رجال الأعمال والغرف التجارية لمصر لحصر الفرص اللي ممكن ينفذوها في مصر.