شراكة في التصنيع وقفزة في الاستثمارات.. قطر ناوية على إيه في مصر
مليارات الدولارات ومشروعات ضخمة وتصنيع مشترك.. إيه اللي بيحصل بين مصر وقطر دلوقتي وإيه سر زيارة رئيس الوزراء القطري لمصر وإيه حكاية المشروعات الجديدة اللي هتعملها الدوحة في الأسواق المصرية وليه دا ضربة للدولار .. في الفيديو دا هتعرفوا مفاجآت خليكم معانا للأخر
اللي حصل في الساعات اللي فاتت بيأكد أن مصر ماشية في الطريق الصحيح وإن الدولار داخل على أيام الصعبة واللي جاي زمن الجنيه.. لو بتسأل إيه اللي حصل فنحب نقولك إن رئيس الوزراء القطري كان في مصر من كام ساعة وقابله الرئيس السيسي ورئيس الحكومة مدبولي ودارت مباحثات مهمة جدا مع الضيف القطري .
وقبل ما نتكلم على اللي حصل مع المسئول القطري رفيع المستوى خلونا نتكلم شوية عن الاستثمارات القطرية في مصر ...
وزير التجارة والصناعة القطري محمد بن حمد بن قاسم آل ثاني اتكلم من وقت قريب عن الاستثمارات القطرية في مصر وقال إنها وصلت 5.5 مليار دولار وقال كمان إن مصر من أكبر الدول اللي قطر بتستثمر فيها .
مجموعة العرجاني جروب المصرية وشركة الديار القطرية للاستثمار العقاري، لو فاكرين سبق وأعلنوا عن توقيع عقد شراكة استراتيجي لتنفيذ مشروع بالتجمع الخامس بالقاهرة الجديدة بتكلفة إجمالية تصل إلى 12 مليار دولار ودا رقم ضخم جدا في عالم الاستثمارات .
في سبتمبر اللي فات استقبل الفريق كامل الوزير وزير الصناعة والنقل، المهندس جاسم بن سيف السليطي، وزير المواصلات القطرى ومعاه وفد اقتصادي رفيع المستوى وكان محور اللقاء زيادة حجم الاستثمارات القطرية فى مصر وخاصة فى مجال الصناعة ودعم تطوير العلاقات الاقتصادية والتجارية فى مجال الموانئ والمحطات المتخصصة، ومشاركة الجانب القطرى فى تطوير محطات الحاويات الحالية بالموانئ المصرية عن طريق ضخ استثمارات مباشرة لتطوير ورفع كفاءة البنية الفوقية ومعدات التشغيل وتطبيق أحدث نظم التكنولوجيا فى الإدارة والتشغيل.. واتفق الوزير مع الضيف القطري على تكثيف اللقاءات بين خلال الفترة الجاية لاستعراض وتحديد الفرص الاستثمارية بقطاعى النقل والصناعة والتى ممن الممكن أن تشكل انطلاقة كبيرة بين الجانبين للتعاون المشترك.
نرجع بقي للزيارة الأخيرة لرءئيس الوزراء القطري ولقائه مع مدبولي والاتينن اتفقوا على تعزيز التعاون الاقتصادي بين مصر وقطر وزيادة الاستثمارت القطرية في السوق المصري وكشف مدبولي عن مشروعات قطرية كبيرة في الساحل الشمالي وقال كمان إن الشركات القطرية المتخصصة في مجال التشييد والبناء أثبتت كفاءة كبيرة خلال تنفيذها للمشروعات في فترة استضافة قطر لكأس العالم وبقى عندها خبرة كبيرة في مجال التطوير العقاري، وهي فرصة مُهمة لعقد شراكات معاها هنا في مصر للاستثمار في قطاع العقارات الواعد بالسوق المصرية سواء في الساحل الشمالي أو في مناطق تانية أو حتى التعاون مع شركات التشييد المصرية العاملة الآن بالسوق الأفريقية في كتير من المشروعات
لسه الحكاية مخلصتش لأن قطر بتدرس العرض المصري بالاستثمار أو الشراكة في قطاعات التصنيع في مصر واستغلال الانطلاقة المصرية الحالية في مجالات التصنيع وخاصة في مجالات السياارت وقطع الغيار والأدوية والأجهزة المنزلية والحديد والصلب ودي كلها مجالات محتاجة مليارات الدولارات عشان تتوسع فيها مصر وممكن المال القطري يفرق كتير لو قررت دخول القطاع دا بقوة.
