زيادة 148%.. شوف أسباب زيادة اسعار العقارات في مصر

سوق العقارات في مصر بيعاني من فترة طويلة من الركود، وفي نسبة كبيرة جدا من الشقق والعقارات معروضة للبيع وللاسف مفيش اقبال علي الشراء بسبب الاسعار اللي مرتفعة جدا عن الواقع.. ياتري اية اسباب ارتفاع اسعار الشقق والعقارات في مصر.. ومعدل الزيادة في الاسعار بيوصل لكام

كل خبراء الاقتصاد أجمعوا ان السوق المصري بيعاني من فقاعة عقارية، خصوصا أن في نسبة كبيرة جدا من الشقق والعقارات معروضة للبيع والاقبال علي الشراء ضعيف جدا وده بسبب الاسعار الكبيرة جدا واللي معروضة بيها، والارقام دي بعيدة جدا عن الواقع والسعر الحقيقي للشقق، وده اللي ادي لحالة خمول تام في سوق العقارات في مصر.

طيب معدل ارتفاع العقارات في مصر بيوصل لكام؟.
كل خبراء العقارات أجمعوا إن أسعار بيع العقارات والإيجارات في مصر بتشهد ارتفاع بسبب سياسة الحكومة بتحرير سعر صرف الجنية المصري قدام العملات الأجنبية، وده تسبب في زيادة تكلفة البناء، ده غير أن مصر فيها طلب كبير جدا علي الشراء، وده عامل حالة من الرواج عند الملاك وبالتالي بيغالوا جدا في الاسعار، وأصبحت الارقام اللي معروض بيها العقارات في مصر اعلي بكتير من سعرها الحقيقي وبالتالي الاقبال علي الشراء اصبح منخفض خصوصا بعد القرارات الأخيرة للدولة المصرية بطرح أكثر من مشروع سكني قدام المواطنين للحصول علي وحدات سكنية مختلفة سواء في مشروعات الاسكان المتميز سواء كان سكن مصر أو دار مصر، أو سكن مصر، ده غير الاسكان الاجتماعي واللي علي وشك فتح الباب يوم 18 من شهر نوفمبر الحالي لاخواتنا من ذوي الهمم وبعدها بأسبوع الوزارة هتفتح باب الحجز لكل المصريين علشان يحجزوا في أكبر طرح لشقق الاسكان الاجتماعي لمحدودي ومتوسطي الدخل.

خبراء العقارات أكدوا كمان إن اسعار الفايدة لها تاثير كبير علي ارتفاع اسعار العقارات في مصر، خصوصا أن اسعار الوحدات اللي بتكون علي فترة سداد طويلة بيدخل في تسعيرها نسبة الفايدة، وعلشان السبب ده، اسعار العقارات ارتفعت بنسبة بتتراوح بين 145 - 148% في الربع التالت من 2024.

الخبراء أكدوا أن اسعار العقارات في مصر هتستمر في الارتفاع بتاعها خصوصا أن الاجتماع الاخير للجنة السياسيات النقدية بالبنك المركزي مخفضتش اسعار الفايدة وبالتالي اسعار العقارات في مصر مازالت مرتفعة.
شركات الاستشارات العقارية قالت في تقريرها عن أداء سوق العقارات في مصر، أن التقدم اللي حققته مصر في مجال الاستثمارات العقارية كان سببه الاستثمارات الأجنبية المباشرة الضخمة واللي دخلت للاقتصاد المصري، ده غير موافقة صندوق النقد الدولي علي زيادة قرض الـ3 مليار دولار اللي 8 مليار دولار، وده عمل نمو كبير جدا في سوق العقارات في مصر في الربع الأخير من العام الحالي
تقرير الشركات  قال أن أسعار الإيجارات للوحدات السكنية ارتفعت بنسبة 124% عن الاسعار الحقيقة لها .