امتى مصر هتنتج أول سيارة كهربائية؟.. شوف التفاصيل

امتى هتطلع أول سيارة كهربائية من مصر، ومواصفاتها هتبقى إيه، وكمان الأسعار هتبقى شكلها إزاي، وإيه هي الإجراءات اللي أخدتها الحكومة المصرية فعليا عشان تبدأ الصناعة دي.. هنقولك كل التفاصيل في الفيديو ده فتابعنا للآخر.
 

في الأيام الأخيرة، كامل الوزير، نائب رئيس مجلس الوزراء للتنمية الصناعية، وزير الصناعة والنقل، شهد توقيع اتفاق بين شركة بايك الصينية وشركة ألكان أوتو، وهي شركة من شركات المجموعة المصرية العالمية للسيارات، وكان الهدف هو إقامة مصنع لإنتاج سيارات كهربائية في مصر.

واللي حصل، إن مصر بدأت أولى خطواتها عشان توطن صناعة السيارات جوه بلدنا، وده بيجي ضمن تنفيذ توجيهات الرئيس عبدالفتاح السيسي بتحويل مصر إلى مركز صناعي إقليمي، والعمل على توطين صناعة السيارات والصناعات المغذية لها في مصر، وتعظيم دور القطاع الخاص في مجال الصناعة.

ووزير الصناعة اللي هو بيشرف على الموضوع ده، رحب جدا بالتعاون المثمر والبناء وبخطة مصر لتوطين صناعة السيارات الكهربائية، وأكد كمان حرص الوزارة على دعمها للمشروع الجديد ده عشان يدخل بسرعة في طور الإنتاج، عشان كده خصصت الهيئة العامة للتنمية الصناعية، الأرض الصناعية اللازمة للمشروع.

ونقدر نقول إن وازرة الصناعة على أتم استعداد لإنهاء كل إجراءات التراخيص الصناعية عشان يبقي في سهولة بدء الإنتاج، وعشان تؤكد حرصها على تعميق التصنيع المحلي وجذب الاستثمارات العالمية في مجال صناعة السيارات والصناعات المغذية لها، عشان تلبي احتياجات السوق المحلي والتصدير للخارج، وخاصة للشرق الأوسط وأفريقيا.

كمان، وزارة الصناعة مستعدة كمان توفر كل وسائل الدعم لشركات السيارات العالمية للإنتاج والتوسع في السوق المصري، عشان تسهم في ضخ استثمارات حقيقية وتوطين الصناعة المحلية وتوفير المزيد من فرص العمل أمام الشباب.

ومن المخطط قريب جدا، إن يبدأ المصنع إنتاجه في نهاية السنة الجاية 2025، ومفترض إنه يقام على مساحة 120 ألف متر بهدف تلبية احتياجات السوق المحلي والتصدير لأسواق الشرق الأوسط وأفريقيا،  ومن المقرر أن المصنع ينتج في السنة الأولى 20 ألف سيارة، بحيث يوصل حجم الإنتاج بنهاية العام الخامس إلى 50 ألف سيارة.

كمان، بتبلغ نسبة المكون المحلي للمشروع 48% ومستهدف زيادتها إلى 58%، ونقدر نقول إن المشروع ده هيوفر نحو 1200 فرصة عمل جديدة لشباب مصر.

أما بالنسبة للشركة الصينية، فهي حريصة جدا على تعزيز تواجدها بالسوق المصري باعتباره من أهم أسواق المنطقة، وده دفع الشركة لطرح طراز جديد من سياراتها من قلب مصر.

وبدأت من سنين كتير، تنتج السيارات الكهربائية، ودلوقتي الشركة بتستثمر  باستمرار في مجال البحث والتطوير لإنتاج مركبات أو سيارات عالية الجودة سواء داخل الصين أو في الأسواق الخارجية زي مصر.