بدأت من مواقع التواصل.. إيه اللي حصل في انستاباي

تطبيق انستاباي من أهم التطبيقات المالية في تاريخ البنك المركزي المصري واللي اتحولت لأداة رئيسية في الدفع الالكتروني والتحويلات المالية ودفع الفواتير وسهولة استخدام التطبيق بجانب عوامل الأمان الكبير واللي بيضمنها البنك المركزي المصري يعني كل الأموال اللي في حسابات انستاباي محمية بشكل تام.. طيب ايه اللي حصل وايه حكاية وقف التطبيق من خلال الواي فاي؟

 
على مدار الساعات اللي فاتت انتشرت اخبار وبوستات كتير على سوسشيال ميديا كلها بتقول إن تطبيق اسناياثمس شغال على الوافي فاي ولازم تفتح نت من الموبايل او بيانات الهاتف وان دي حركة عشان الحكومة تجبر العملاء أنهم يشحنوا  باقات انترنت.. طبعا دا كلام مايدخلش العقل ومش ممكن يحصل و البنك المركزي كذب الاخبار  وقال إن مفيش اي تعديل على نظام تشغيل انستاباي ولو فيه اي تعديل البنك المركزي بيعلن بشكل صريح.

المركزي طلب من المصريين أنهم مايصدقوش اي حاجة تقرأها وإن اي حد كان جرب يدخل تطبيق انستاباي من الواي فاي كام هيعرف إن كل اللي بيتقال دا هبد في هبد.. طيب مين اللي مصلحته ينشر الاخبار الكاذبة دي؟..

اكيد طبعا ناس وجهات كتير بتستخدم صفحات مواقع التواصل الاجتماعي وفيه ناس بتنشر النوعية دي من الاخبار عشان للاسف تحقق ترافيك لأن الانستاباي دلوقتي بتهم ملايين المصريين واللي بيستخدموها لحظيا وفي سنة 2023
قيمة التعاملات باستخدام إنستاباي تجاوزت 800 مليار جنيه خلال 2023 وفي الربع الأول من 2024، ارتفع عدد المعاملات عبر تطبيق "انستا باي" إلى ما أكثر عن 93 مليون معاملة بإجمالي قيمة تتخطى 565 مليار جنيه.
وعشان كده هتلاقي أخبار كتيرة ملهاش أساس من الصحة بخصوص تطبيق انستاباي منتشرة على مواقع التواصل الاجتماعي لإثارة البلبلة أو الحصول مكاسب مالية من أرباح فيسبوك ولازم نعرف إن فيه جهات تانية من مصلحتها تشكك دايما في المؤسسات المالية وشفنا قبل كده اشاعات كتير خرجت عن سرقة حسابات المحافظ الإلكترونية أو ضياع أموال أصحاب الحسابات ودا طبعا محصلش لأن كل الفلوس سواء في المحافظ الكاش أو الانستاباي والحسابات البنكية بتكون مؤمنة 100% في المية وبضمان المركزي كمان.