اعرف الفئات المستحقة من كارت الخدمات الحكومية الموحد

هو إيه قصة كارت الخدمات الحكومية الموحد، هو عبارة عن إيه، وإيه الخدمات اللي هيقدمها للمواطن، وهل كل المصريين هيستفيدوا بيه ولا فئات معينة.. هنقولك كل التفاصيل في الفيديو ده فتابعنا للآخر. 
 

مؤخرا، الحكومة اتكلمت عن طرح كارت الخدمات الحكومية الموحد، واللي بيضم مجموعة خدمات متوفرة عليه، وهيبقي في ملايين المصريين مستحقة للكارت ده.

ونقدر نقول إن استخراج كارت الخدمات الحكومية الموحد بيتم من خلال فتح حساب شخصي في هيئة البريد المصري، وبعد كده بيتم إصدار الكارت الموحد بالتعاون بين وزارة الاتصالات والبريد.

ومفترض إن الحكومة تعمم التجربة دي على كافة المحافظات بعد تقييمها وتجربتها في المحافظات الأقل كثافة سكانية، زي بورسعيد مثلا زي ما حصل في تطبيق تجربة التأمين الصحي الشامل وأثبتت نجاحها.

أما عن الخدمات الحكومية المتاحة في الكارت الموحد، فهب عبارة عن خبز أو عيش وسلع استهلاكية تانية، زي الرز والمكرونة والسكر والزيت وغيرها من الاحتياجات الضرورية للمواطن، كمان الكارت بيضن خدمات التأمين الصحي، وي إضافة جديدة هتفرح ناس كتيرة.

ومش بس التأمين الصحي، لأ ده كمان الكارت بيضم خدمات البريد والمعاشات، بالإضافة لخدمات المواصلات والبنوك، ومفترص إن كل المواطنين هيحصلوا عليه عشان بتمتعوا ويستفيدوا بخدماته زي التموين والتأمين الصحي الشامل زي ما قولنا، والكارت ده عبارة عن شريحة sim card ممغنطة بتحتوي على بيانات المستفيد، وكانت وزارة التموين والتجارة الداخلية، والاتصالات وتكنولوجيا المعلومات، وهيئة التأمين الصحى الشامل أطلقت كارت الخدمات الحكومية الموحد فى محافظة بورسعيد، على أحدث المعايير بالتعاون مع شركة فيزا الرائدة عالميا فى مجال تكنولوجيا المدفوعات الرقمية، وده كان بهدف توحيد حزمة الخدمات المقدمة للمواطنين فى كارت واحد استكمالا لمنظومة التحول الرقمي، وفى إطار حرص الحكومة على بناء اقتصاد رقمى.

وبتضم المرحلة الأولى، خدمات التموين، والتأمين الصحى الشامل، وخدمات المدفوعات الإلكترونية؛ وقريب جدا هيتم إضافة خدمات حكومية تانية، وكمان هيتعمم الكارت  فى باقى المحافظات بشكل متوالي

طب هل الناس هتدفع فلوس عشان تاخد الكارت ده؟

طبعا لأ، لأن تسليم الكارت الموحد للمواطنين بيكون بالمجان.

كمان نقدر نقول، إن الهيئة القومية للبريد بتشارك بدور رئيسى وفعال فس منظومة إصدار الكارت الموحد؛ لأن يتم فتح حساب شخصى فى الهيئة القومية للبريد لكل مواطن يحصل على الكارت الموحد مع تسجيل بيانات بطاقة الرقم القومى ورقم هاتفه المحمول المسجل باسمه لدى إحدى شركات المحمول.

والكارت مزود ببصمة ذكية عشان يتأكد من وصول الخدمة إلى مستحقيها، ولحد دلوقتي تم فتح حوالي 500 ألف حساب للمواطنين فى محافظة بورسعيد، ومقرر زيادة العدد لملايين الحسابات عشان كل المصريين يقدروا يستفيدوا من خدماته.