لو بتسافر كتير بالقطر.. شوف خطوات حجز تذاكر القطارات من تطبيق انسياباي
لو انت من عشاق السفر بالقطر، أو بلدك بعيدة وبتضطر تسافر القطارات رايح وجاي، وبتضطر تقف علي شبابيك التذاكر بالساعات علشان تحجز تذكرة، وده بيضيع منك وقت كتيرة ده غير البهدلة اللي بتقع فيها.. دلوقتي أنا هقولك علي حل تقدر من خلاله تحجزه تذكرة القطر وانت علي سريرك لو عايز تعرف ده ازاي شوف التقرير ده للأخر
معاناة كبيرة بتعرض لها عشاق القطارات واهالينا من محافظات الدلتا والصعيد واللي بيكون أغلب سفرهم لبلادهم بيكون بالقطر، وبيكون هو الوسيلة الافضل والارخص والاريح للسفر، وعلشان كده بيكون في اقبال كبير علي شباك حجز تذاكر السفر وغالبا بيكون في زحمة علي الشبابيك علي ما الواحد منهم يعرض يجيب تذكرة.
طيب اية الحل اللي ممكن من خلاله المواطن يحصل علي تذكرة من غير ما يقف علي شباك التذاكر .
الهيئة القومية لسكك حديد مصر حاليا بتستعد لطرح تذاكر القطارات إلكترونيا من خلال تطبيق إنستا باي، وده واحدة من الخطوات اللي وزارة النقل بتعملها لتسهيل عملية حجز التذاكر لجمهور الركاب، وده جاي في اطار خطة الدولة للتحول الرقمي وتسهيل كل الخدمات اللي بتقدمها وزارة النقل للمواطنين .
الخدمة الجديدة اللي الهيئة القومية لسكك حديد مصر بتستعد لتقديمها للمواطن حاليا هتكون اختياري علي الراكب، ويقدر اي مواطن من خلال تطبيق انستاباي يقدر يدخل علي التطبيق ويختار محطة الركوب والوصول وعدد التذاكر اللي هو عايزها، وكمان هيسدد إلكتروني والهيئة هتيح له التذاكر بشكل كامل ويقدر يحصل عليها بكل سهولة ويسافر بدون ما يقف في الطابور ولا يروح المحطة ولا يلغي مشاوره علشان ينزل يحجز تذكرة القطر .
هيئة السكك الحديدية زيها زي جهة حكومية في الدولة بتحرص على استغلال التقنيات الرقمية لخدمة الركاب؛ وسبق لها وأتاحت حجز التذاكر إلكترونيا من موقعها الالكتروني أو تطبيق الهاتف المحمول أو من خلال ماكينات الدفع الإلكتروني المنتشرة على مستوى الجمهورية أو ماكينات الـTM .
مش كده بس، ده كمان هيئة السكك الحديدية في الفترة اللي فاتت عملت خدمات كتيرة للمواطنين ودخلت انواع كتيرة من القطارات لراحة المواطنين منها قطارات التالجو الفاخر وتطوير عربات الدرجة الثانية والثالثة وافتتاح محطات كتيرة لخدمة الركاب .
