كنز دولاري لمصر من الاستثمار السياحي.. شوف إيه الحكاية

ليه مصر بتطرح أرض لمشروعات الاستثمار السياحي، وهل مصر باعت حتت من أرضها وهل في ارض تانية هتدخل في الإستثمار السياحي وإيه العوائد اللي بترجع علي مصر من المشروعات دي .. خلكيم معانا للآخر وهتعرفوا التفاصيل

من كام شهر الحكومة طلعت وأعلنت عن طرح مشروع للاستثمار السياحي في رأس الحكمة في صفقة تاريخية وصلت عوائدها المادية المباشرة ل 34 مليار دولار، ده غير العوائد الغير مباشرة واللي متوقع أنها توصل ل 150 مليار دولار، ده غير الوظائف الكتير جدا المباشرة اللي هيوفرها المشروع سواء كانوا ناس هتبيني الفنادق والمشروعات هي هتعملها الشركة المسئولة عن المشروع والمصانع هي هتصنع المواد الخام اللي هيحتاجها المشروع، ده غير  وسائل النقل اللي هنقل المواد الخام والمواد البدائية الحاجات التانية اللي بتكون أساسية في أي مشروع بنائي ودا غير مئات الآلاف من الوظائف اللي هيوفرها المشروع للشباب المصري وأبناء المحافظات القريبة.

طيب اية اللي هيحصل في مصر في مشروعات الاستثمار السياحي في الوقت اللي جاي ؟.

مصر حاليا هتطرح مناطق جديدة لمشروعات الاستثمار السياحي والمناطق دي هتوصل ل 4 أو 5 مناطق جديدة بخلاف منطقة رأس الحكمة والفترة اللي هيكون في منطقتين هيكونوا مطروحين للاستثمار السياحي في رأس بناس ورأس جميلة، وهتكون الأولية في الشركات اللي مقدمة للدخول في المشروعات دي لشركات من قطر  والسعودية خصوصا أن الدول لها لها ودائع بقيم كبيرة في البنك المركزي والدولة عايزة تخلص من الودائع دي .

طيب امتي مصر اتجهت لطرح مناطق جديدة للاستثمار السياحي في الوقت ده بالذات ؟.
مصر حاليا ليها فترة بتحاول تزود الدخل الدولاري من كل الاتجاهات ومصر اتقدم لها أكتر من عرض لإقامة مشروع سياحي في كذا منطقة والحلو في العروض دي أن المناطق المطلوبة واللي كبري الشركات السياحية في العالم عايزة  تستثمر فيها هيا مناطق كانت غير مستغلة بالشكل المطلوبة والمناطق دي بتقطع في أماكن استراتيجية بطل بشكل مباشر علي البحر، وطبعا الدولة في الفترة اللي جاية هتوفر لها الخدمات الأساسية من مياة وصرف صحي وغاز طبيعي  وكهرباء، ودي طبعا مشروعات هتكون مشروعات قائمة بذاتها وبعيد عن الخدمات الأساسية للدولة المصرية علشان متحملش علي البنية التحتية لمصر، واللي هتصرف علي الانشاءات بتاع البنية التحتية للمشروعات الجديدة هيا الشركات اللي هتفوز بمناقصات المشروعات .

مصر حاليا بتحاول تعمل أكتر من مشروع سياحي في كل المحافظات وطبعا المشروعات دي هتكون سبب في دخول عملة دولارية جديدة لمصر من الخارج  من استقبال السائحين واللي هيوصلوا لمصر علي طائرات هيحتاجوا خدمات ووسائل انتقالات وفنادق إقامة وحاجات تانية كتيرة وطبعا قصاد كل الخدمات دي هيكون فلوس بالدولار، يعني الدولة استثمر ارض كانت ملهاش اي دخل وبنا عليها وعملت مشروعات سياحية وترفيهية عملاقة والمشروعات دي طبعا هتزود التوافد السياحي علي مصر وهيحقق الهدف الأساسي لمصر هو تحقيق 30 مليون سائح وتحقيق 30 مليار دولار في 2028.

وعلشان تكون عارفين أن مصر بتواجهة صعوبات كثيرة جدا في تحقيق الرقم ده بسبب التغيرات الجيوسياسية اللي بتحصل في منطقة الشرق الأوسط واللي طبعا أثرت علي مصادر الدخل الدولاري لمصر من الخارج سواء كانت سياحة أو قناة السويس، وعلشان كده مصر بتحاول تعمل مشروعات  وحاجات جديدة تخلي السائحين حوالين العالم يختاروا ينزلوا مصر عن باقي دول العالم علشان يستمتعوا بالإقامة في المشروعات دي .