تراخيص الـ 5G بوابة جديدة للمليارات.. شوف اللي هيحصل
إيه قصة تراخيص ال5G، أو الجيل الخامس للاتصالات، اللى اتكلمت عنها وزارة الاتصالات وأتاحت للشركات تشغله بشكل رسمي والدولة هتكسب إيه من اطلاق التقنية الجديدة وإيه حكاية الـ30 مليار جنيه في الصفقة.. كل دا هنعرفه في الفيديو دا خليكم معانا للنهاية.
بص يا سيدي، حصل في الأيام الأخيرة، توقيع اتفاق بين الجهاز القومي لتنظيم الاتصالات وشركات المحمول العاملة في مصر للترخيص بتشغيل خدمات الجيل الخامس للتليفون المحمول، بقيمة 675 مليون دولار، وده بمقابل تراخيص الجيل الخامس وتجديد رخص الأجيال السابقة لمدة 15 سنة.
وفي الحقيقية، الاتفاق ده بيؤكد إن وزارة الاتصالات ماشية بخطوات ثابتة وداعمة للموازنة العامة، وأنعشت الاقتصاد الوطني بما يزيد على 30 مليار جنيه.
كمان اللي بيأكد إن المشروع ده هينجح، هو تحقيق وزارة الاتصالات أهدافها في مجالات كتير، كمان الترخيص لشركات المحمول بتشغيل خدمات الجيل الخامس بيعزز التنافس في السوق المصرية فيما يتعلق بتقديم الخدمات الأساسية للمواطن، وهيكون لها أثر كبير على تحقيق التحول الرقمي، عشان بيتُيح لشبكات الجيل الخامس سرعات فائقة، تقدر تدفع عملية التحول الرقمي وتحقق رؤية مصر لأهداف التنمية.
والجيل الخامس كمان هيدعم ركائز الثورة الصناعية بتشغيل منظومات المدن الذكية والخدمات الرقمية بقطاعات الدولة المختلفة، وهيفتح آفاق جديدة في المستقبل للاستخدامات للحديثة زي الذكاء الاصطناعي وإنترنت فائق السرعة.
يعني كل التقنيات دي هتلعب دور محوري في تسريع مشروعات التحول الرقمي اللي أصبحت جزء أساسي من رؤية مصر المستقبلية.
وعشان تعرف إزاي هتستفيد من تشغيل خدمات الجيل الخامس، فهي هتنعكس بالإيجاب على سرعات الإنترنت وكمان الاقتصاد القومي، ومش بس كده لأ ده كمان على ترتيب مصر في المؤشرات الدولية في قطاع الاتصالات وتكنولوجيا المعلومات، باعتبارها إحدى الركائز الأساسية في تعزيز البنية الرقمية للدولة
كمان، تقنيات الجيل الخامس هيساهم بسكل كبير في تحقيق التحول الرقمي، عشان هيتيح لشبكات الجيل الخامس سرعات فائقة وتحقق رؤية مصر لأهداف التنمية، كمان بتُعتبر تقنيات الجيل الخامس عامل محوري في تعزيز وتوسيع خدمات إنترنت الأشياء، واللي بيعتبر من أهم ركائز الثورة الصناعية الرابعة، عشان بيشغل منظومات المدن الذكية والخدمات الرقمية بقطاعات الدولة المختلفة.
وزي ماقلنا الاتصالات زيها زي الكباري والمواني والطرق بتعتبر بنية أساسية لايمكن الاستغناء عنها لو عاوز تجذب مستثمرين عالميين وفي الاقتصاد الحديث التكنولوجيا بقت عامل رئيسي في انتقال رؤوس الأموال والاستثمارات العابرة للحدود والدولة اللي هتتخلف في تطوير بنية الاتصالات وتكنولوجيا المعلومات هتوقع ومش هتحلق تقوم لأن دي تكنولوجيا سريعة التطور ومحتاجة مجهود كبير ومصر قدرت تقطع مسافات كبيرة للاستحواذ على تكنولوجيا العصر في الاتصالات ومش كده وبس دا كمان بقت تصدر للأسواق الخارجية وحسب الأرقام الرسمية وصلت القيمة المضافة لقطاع تكنولوجيا المعلومات في مصر 275.5 مليار جنيه ووصلت صادرات مصر الرقمية 6.2 مليار دولار خلال العام المالي 2023/2022، مقابل 4.9 مليار دولار في العام المالي 2022/2021.
