مجدي يعقوب.. أسرار جديدة في رحلة ملك القلوب

 
هو واحد من اكتر الجراحين شهرة في مصر والعالم ومن رواد عمليات زراعة القلب 
قصة نجاح بدات في مدينة بلبيس محافظة الشرقية وانتهت باحسن جراح قلب في العالم ..
ايواا زي متوقعتواا السير مجدي يعقوب خليكم معانا وهنقولك لمحة بسيطة عن انجازاته..

يوم 16 نوفمبر سنة 1936 اتولد اعظم جراح قلب في العالم وده في محافظة الشرقية وبعد دراسة الطب في جامعة القاهرة بيقرر يسافر لانجلترا لاستكمال دراسته ومنها للولايات المتحدة عشان يجمع اكبر قدر من المعلومات والابحاث في مجال الطب 
بس خلونا نروح لاهم انجازات مجدي يعقوب 
الناس كلها عارفة ان مجدي يعقوب من اعظم الاطباء على مستوى العالم بس اللي مش معروف شوية للناس هي انجازات السير مجدي زي ما بيطلق عليه 
عمل جمعية خيرية بالمجان اسمها  سلاسل الأمل وده بهدف  مساعدة الأطفال اللي  بيتولدو بعيوب خلقية فى القلب وإيجاد طرق لحلها 
حاجة تانية وممكن ناس كتير متعرفهاش انه كان طبيب للفنان عمر الشريف ولما وصل عمر الشريف وقابل مجدي يعقوب علشان يطمن على صحة قلبة وده لانه كشف في باريس وعرف ان عنده مشكلة في القلب ...الدكتور مجدي يعقوب مدلوش فرصة وقالة انا عندي كام ساعة ممكن نعمل العملية واخلصك من كل اللي مضايقك ووافق عمر الشريف على ده وقال كمان هو مداليش وقت عشان اخاف وكل اللي فاكرة انهم حلقوا شعر جسمي ودخلوني غرفة العمليات ومن بعدهاا بطلت تدخين 
وبيقول السير عن عمر الشريف في كتابه عن انطباعته الاولية كنت فاكره من نجوم السينما اللي محدش يقدر يوصلهم بس لقيته شخص بسيط خالص وحاجة غريبة لما تلاقي شخص تاخد عليه بسرعة 
كمان قدر انه يأسس جراحة لزراعة القلب في بريطانيا وقدر  يقود فريق لصنع اجزاء جديدة من الخلايا البشرية 
و اسس اول مركز لعلاج القلب في مصر في محافظة اسوان ومركز تاني في مدينة 6 اكتوبر 
الدكتور مجدي يعقوب قام ب 25 ألف عملية رقم كبير فعلا ....منها 2500 لزراعة القلب 
حصل على لقب فارس من ملكة إليزابيث ..
ده غير جائزة الاداء المتميز اللي منحهالة وزير الصحة البريطاني  لمساهمته في مجال الطب 
وغيرها كتير وكل دي حاجات بتخلينا فخورين دايما بالسير مجدي يعقوب ونتمنى يكون عندنا زيه من المصريين في كل المجالات