البنك التجاري الدولي.. علامة مصرية «استثنائية» في العالم

 
كتير سواء أفراد أو شخصيات بيوصلوا للقمة لكن قليلين جدا اللي بيحافظوا على القمة والنادرين جدا هما اللي بيقفزوا من قمة لقمة أعلي.. البنك التجاري الدولي من الكيانات المالية القليلة التي قفزت بين قمم التميز والتطور والجديد فاستحق أن يكون الأفضل في مصر والمنطقة ومن بين الكبار في العالم.

التجاري الدولي مش مجرد بنك بيقدم خدمات مصرفية حديثة وبيشتغل بأحدث تكنولوجيا المالية في العالم أو عنده أفضل خدمة عملاء لكن اتحول إلى رمز مصري خاص وعلامة تجارية تحلق باسم مصر في سماء العالمية وبراند ينافس ويناطح اكبر البنوك في العالم..

البنك التجاري الدولي في أخر كام ساعة كان هو
ممثل أفريقيا الوحيد في قائمة الـ10 الأفضل عالميا في قائمة فورتشن من بين 52 شركة على مستوى العالم اللي عملوا تأثير اجتماعي أو بيئي كبير، وفق القائمة السنوية 2024 التي تعدها المجلة العالمية.

مش كده وبس البنك التجاري الدولي فاز بلقب أقوي بنك في مصر لعام 2024 ضمن قائمة أقوى البنوك عالميا حسب تقييم "TAB Global" ودخل التجاري الدولي القائمة حسب مجموعة متنوعة من مؤشرات ومعايير التقييم المعروفة والمعتمدة دولياً  لتقييم الأداء خلال فترة الدراسة لجميع البنوك حول العالم.

الحقيقة البنك التجاري الدولي مكانش في حاجة لمجلة (فورتشن)  ولا (تاب جولوبال) عشان نعرف مدى تأثيره في المجتمع المصري لأن الـCIB  كان بطل وفي رأس الشركات والبنوك اللي مدت ايديها عشان تغير حياة المصريين للأفضل وفي كل مبادرة مجتمعية كان البنك في المقدمة في تقديم العون والمساعدة والمشاركة في تغيير حياة فئات كتير في مصر للأفضل وفي كل المبادرات شارك البنك التجاري الدولي واللي بقي ليه حضور وتأثير كبير في المجتمع المصري وعشان كده اترشح للجوائز العالمية.

قوة البنك التجاري الدولي مش في عظمته ماليا بس لكن في استدامته وتطوره المستمر سواء في الخدمات المصرفية أو في تقديم ودعم البرامج المجتمعية ودعم مبادرات التعليم والصحة ومسشتفيات علاج السرطان وفي الأزمات الطارئة وعشان كده البنك التجاري بقاله وضع خاص في قلوب المصريين وهيفضل كده لأن سياساته راسخه في دستور عمله ومش مرتبطة بقيادة ولا أشخاص.