زيارة تاريخية وصفقات غير مسبوقة.. مفاجآت بن سلمان لمصر

طول عمرنا بنقول الخليج سند لمصر زي ما مصر طول عمرها ضهر للخليج وكل العرب ودا ظهر في الأزمات والخليج كان خير داعم للقاهرة فى أوقات كتير وعمره ما خذل مصر.. ايه الجديد في العلاقات المصرية الخليجية وايه الحدث التاريخي اللي هنشوفه النهاردة وازاي هيكون نقطة فاصلة في الاقتصاد المصري.. تعالوا نشوف التفاصيل كلها في الفيديو ده

النهاردة مصر هتستقبل ضيف من العيار التقيل ومرحب بيه دايما عند المصرىين وهو الأمير محمد بن سلمان ولي العهد السعودي واللي جاي مصر وفاء لوعد صرح بيه في خلال استقباله الدكتور مصطفى مدبولي رئيس الحكومة وقال إنه بيتطلع لزيارة مصر الشقيقة ولقاء أخيه الرئيس عبد الفتاح السيسي.. والحقيقة اي زياره لملك أو ولي عهد أو شيخ خليجي لمصر بتكون زيارة ود وتعاون وخير زي ما حصل في زيارات الشيخ محمد بن زايد لمصر اكتر من مرة وكانت كلها استثمارات واخبار حلوة بتؤكد الدعم الخليجي لمصر واللي قوتها واستقرارها من قوة واستقرار العرب كلهم خاصه في الظروف الصعبة اللي بتمر بيها المنطقة.

وزي ما كانت زيارات بن زايد كلها خير كمان زيارة بن سلمان المرة دي هتكون مختلفة وتاريخية لأنه من المقرر يكون فيها مفاجآت من العيار التقيل والاعلان عن صفقات استثمارية ضخمة هتفرق في الاقتصاد المصري وزي ما احنا عارفين السعودية قررت تحويل ودايعها في البنك المركزي المصري لاستثمارات في مشروعات مختلفة وكمان ولي العهد سبق وأعلن ضخ 5 مليار دولار استثمارات عاجلة في مصر خلال زيارة مدبولي للرياض الأخيرة ودي حسب التصريحات السعودية استثمارات أولية ومرحلة اولى لاستثمارات ضخمة هيام الإعلان عنها خلال زيارة ولي العهد السعودي.

المفاجأة المنتظر الاعلان عنها خلال زيارة ولي العهد السعودي لمصر هي ترفيع العلاقات بين البلدين إلى علاقات استراتيجية في كافة المجالات خاصة الاقتصادي منها خاصه مع التوتر الكبير في المنطقة واللي بتستدعي التعاون بين الدول العربية ودول الخليج في قلب الأزمة بسبب موقعا الجغرافي بين طرفي الصراع إيران والكيان المحتل .

المعلومات بتقول إن زيارة بن سلمان هيتم فيها الاعلان عن الاستثمارات الجديدة في راس جميلة القريبة من الحدود البحرية السعوديه المصرية وكمان فيه اهتمام كبير منن جانب السعودية للاستثمار في منطقة رأس بناس على البحر الأحمر،  ودا مشروع ضخم مايقلش عن مشروع رأس الحكمة الإماراتي
وبحسب وزير الإسكان المصري شريف الشربيني، أبدت المملكة العربية السعودية اهتمامها بتطوير جزء من ساحل البحر الأحمر، وخاصة رأس جميلة في جنوب سيناء.

وبلغة الأرقام ارتفعت التجارة بين المملكة العربية السعودية ومصر بنسبة 41٪ في النصف الأول من  2024، لتصل إلى ما يقرب من 8 مليار دولار وتصدر المملكة العربية السعودية في المقام الأول المنتجات المعدنية والبلاستيكية إلى مصر، في حين تشمل الواردات الكبيرة لمصر المعادن والنحاس وبلغت  الاستثمارات السعودية في مصر 26 مليار دولار، بمشاركة أكتر من 8 آلاف شركة، ومن المتوقع أن تنمو هذه الأرقا. كما زادت الاستثمارات المصرية في المملكة العربية السعودية، لتبلغ  4 مليار دولار، بمشاركة أكتر من 3 آلاف شركة.

كمان السلطات السعودية مهتمة جدا بالاستثمار في سوق الطاقة المصري وسلطت زيارة مدبولي إلى الرياض الضوء على التزام مصر بتوسيع قطاع الكهرباء  وفيه خطط للربط الكهربائي مع المملكة العربية السعودية، المقرر الانتهاء منها بحلول الصيف الجاي، ودا غير الاستثمارات السعودية الجديدة في  مشاريع الطاقة الجديدة والمتجددة .

طبعا الصفقات اللي هيتم الإعلان عنها هتكون بمثابة ضربة قوية للدولار وهتفرض الاستقرار في سوق الصرف وهتخفف الضغط على الموارد الدولارية.