لو بتدفع 200 جنيه لفاتورة الكهرباء.. الفيديو ده يهمك علشان متدفعش غرامة كبيرة
وزارة الكهرباء عاملة حملات كتيرة للتفتيش علي سرقة الكهرباء علي الناس اللي بتسرق كهرباء، بس المرة دي الحملة هتكون مختلفة لأنها هتكون علي الناس اللي بتدفع... ياتري اية حكاية الحملة دي.. وليه المرة دي هتكون علي الناس اللي بتدفع.
الدولة خطت خطة وعازمة علي تحقيقها وهيا وقف سرقة التيار الكهربائي، وفعلا الدولة عملت حملات كتيرة لكشف وقائع سرقة التيار، وفعلا الدولة حصلت ارقام مهولة من المحاضر اللي عملتها لناس كانت بتسرق كهربا والدولة وقعت علي الناس دي غرامات كبيرة جدا علي الفترة اللي كانوا بيسرقوا فيها الكهرباء، ده غير وقف الدعم اللي بتقدمه الحكومة لهم سواء كانت بطاقات تموين أو دعم الاسمدة للمزارعين والفلاحين الموجودين بينهم.
طيب اية اللي جاي في التفتيش علي حملات وزارة الكهرباء لكشف سرقة التيار؟.
الدولة زي ما هيا شغالة علي الناس اللي بتسرق كهرباء، برضوا بتعمل حملات علي الناس اللي بتدفع فلوس وعندها عدادات، والحملة اللي جاية هتكون مخصصة للناس اللي بتدفع 100 أو 200 جنية، خصوصا أن الوزارة شايفة أنه مينفعش يكون في مواطن عنده تكييف أو اتنين وبيدفع 100 أو 200 جينة، خصوصا أن في نسبة كبيرة من الشعب المصري عندهم تكييفات في الوقت الحالي بسبب درجات الحرارة الكبيرة اللي بتتعرض لها مصر زي ما حصل في فصل الصيف اللي فات.
وزارة الكهرباء حاليا وجهت فرق التفتيش لحصر فواتير الاستهلاك، والحصر هيكون علي الفواتير اللي هيا 100 و 200 جنية، وهتنزل حملات علي ناس بعينهم، وفاجاة هتلاقي لجنة من مباحث وزارة الكهرباء والطاقة المتجددة واقفة علي الباب وبتخبط عليك، وهيدخل الشقة هيحط جهاز صغير كده علي العداد اسمه الاوبتكال، والجهاز ده هيكشف اذا كان المواطن سارق كهرباء ولا لا، وكمان هيكشف هو بيسرق كهرباء من امتي والكمية اللي سرقها اد اية، وكمان هيقدر الغرامة اللي هيدفعها المواطن اللي بيسرق كهرباء، ومن هنا هتحدد الغرامة اللي المواطن هيدفعها، وخالي بالك أن القانون غلط عقوبة سرقة التيار الكهربائي دولوقتي لأنها بتوصل لارقام كبيرة وكمان ممكن توصل للسجن .
