الزهر هيلعب.. اقتصاد مابعد رأس الحكمة

رأس الحكمة والزهر لعب دارت.. إيه لللي هيحصل بعدها وإزاي مصر دخلت عصر اقتصاد الكبار وإيه الخطوة الجاية.. كل التفاصيل دي هنعرفها في التقرير دا خليكم معانا للآخر

في علوم الاقتصاد والمال والتنمية طالما فيه تخطيط سليم وبأوقات زمية معروفة لازم هتوصل لنتيجة صح ودا لأن عمر العشوائية والمسكنات ما بتعمل اقتصاد دولة ومصر الحقيقىة عاشت سنين كتير كانت فيها الأحداث السياسية هي اللي بتحدد شكل الاقتصاد ومرت مصر بأكتر من نظام اقتصادي زي اقتصاد الزراعة فقط في عصر الملكية وبعدها الاقتصاد الاشتراكي بعد ثورة 23 يوليو وبعدها اقتصاد الاستهلاك والانفتاح بعد حرب أكتوبر وبعدا اقتصاد مدار تقريبا طول 30 سنة من حكم الر ئيس السابق حسني مبارك.

لما استلم الرئيس السيسي البلد استلمها باقتصاد أزمة رايحة للانهيار الاقتصادي لكن بخطة عمل سريعة قدر يوقف نزيف الاقتصاد ولاول مرة رئيس مصري يقرر يقتحم كل الملفات الاقتصادية الصعبة اللي ليها سنين ويغير الواقع.
السيسي بدأ صح وقرر يبني البيت من أساسه ومايرممش الحيطان الواقعة وبدأ أكبر مشروع في تاريخ مصر للبنية الاساسية القوية والحديثة على كافة المستويات كلفت باستثمارات 10 تريليون دولار في كل مناحي الاقتصاد في 7 سنين من حكم السيسي والنتيجة العالم كله بقى يتكلم عن الطرق وخطوط التجارة والمواني واللوجستيات والسكك الحديدية ومحطات الطاقة والصرف الصحي والبنية الأساسية الرقمية.

طيب البنية الاساسية دي عملت إيه؟
عملت كتير حضرتك وأولها إنك بقيت دولة بيجيها استثمار وبتجذب رؤوس الأموال وحققت أعلى معدلات نمو في العالم قبل مصيبة كورونا على مصر والعالم وكانت نتيجة البنية الاساسية الحديثة إنها قامت فوقيها المدن الذكية من الجيل الرابع وعملت مصر العاصمة الادارية الجديدة وهي مشروع القرن الجديد ومدن العلمين الجديدة والجلالة ومعاهم 11 مدينة تانية غير توسعات المحافظات كلها والبنية التحتية دي هي اللي عملت المناطق الصناعية الجديدة في الروبيكي وطروبول ودمياط الجديدة والمنطقة الاقتصادية لقناة السويس بكل المصانع اللي فيها وكمان مدينة الدواء بالخانكة ومدينة صناعة الرخام بخلاف 17 منطقة صناعية تانية ودي مجرد أمثلة لألاف المصانع اللي اتبنت  بسبب توافر البنية الأساسية ومش عاوزين ننسى طبعا المشروعات الزراعية وملايين الأفدنة اللي اتضافت للرقعة الزراعية واللي وصلت 4 ملايين فدان مرة واحدة.

عرفنا ياسيدي أهمية البنية التحتية.. إيه اللي جاي بقي؟
شوف حضرتك بعد اللي اتحقق في المرحلة الأولى مصر كان عليها تجري ناحية المستقبل والخطوة الجاية واللي كانت الاستثمار ودا لأنه ملف هو الوحيد اللي يقدر ينتشل الاقتصاد من مشاكله لأنه بيوفر عملة صعبة مش بتكلف الدولة حاجة وفي نفس الوقت بيوفر فرص عمل للشباب غير القيمة المضافة للاقتصاد من ضرايب ورسوم وإنتاج.. ومن هنا جت رأس الحكمة أم الصفقات الكبري واللي غيرت خريطة الاستثمار والمشروع خلاص دخلت مرحلة التنفيذ وباستثمارات هتزيد عن 150 مليار دولار لما المشروع يخلص .. وبعد راس الحكمة جاية راس بناس وراس جميلة وعشرات المناطق التانية ومن هنا وعلى شاطي راس الحكمة تقدر تحس بالمستقبل وشكل الاقتصاد اللي جاي واللي عرف طريق المليارات وبزنس الكبار.

اللي هيحصل في مصر إن اللي جاي كله خير .. ليه بنقول كده.. حضرتك مش احنا اللي بنقول لكن الارقام والخطط هي اللي بتقول واللي أكدت قطاعات الاقتصاد المصري الكتيرة بتزيد وتقوي وفي الاخر هتتحد وتولد اقتصاد عملاق وعالمي يعني الصناعة لما تنتهي من خطط التوطين والتوسع والتحديث والتصدير ومع مشروعات الزراعة اللي هتخلص ودخول ملايين الأفدنة للإنتاج ومع دول اكتمال مشروعات السياحة والترفيه في المدن الجديدة ومع توسعات قناة السويس وانتهاء الأزمة وعودتها لطبيعتها ومعاهم مضاعفة طاقة المواني والتجارة مع العالم .. مصر هنا هتكون عملاق اقثصادي ليه وزنه.