توقعات بارتفاع تاريخي للنفط والدهب والدولار.. أعرف السبب

 
طبعا كلنا عايشين ومتابعين اللي بيحصل في اغلب دول العالم والتهديدات اللي بقت بتهدد دول كتير حوالين العالم، وطبعا التهديدات دي لها تاثير مباشر علي الاقتصاد العالمي.. يا تري اية تاثير التغيرات دي علي سعر الدولار وهل الدولار هيزيد ولا هيقل.

العالم حاليا بيعيش فترة من اصعب الفترات وكلها حروب وصراعات، واغلب الدول حاليا داخلة في خلافات ومشاكل، والمشاكل دي ماثرة علي باقي دول العالم، وطبعا التاثير بيختلف من دولة للتانية، ومصر واحدة من الدول اللي متاثرة بالتغيرات دي، خصوصا أن موجودة من قلب الاحداث بسبب الاحداث اللي بتحصل في المنطقة العربية.
طيب اللي هيحصل في سعر الدولار في مصر في الفترة اللي جاية ويا تري الدولار هيرتفع ولا هيفضل سعره زي ما هو؟.
الاصلاحات الاقتصادية اللي قامت بيها مصر علي مدار الفترات اللي فاتت، اثارها لسه موجودة وعلشان كده سعر الدولار في مصر مستقر من فترات طويلة، ولكن في قلق كتير موجود حاليا عند الناس بسبب سعر الدولار في 2025، خصوصا ان اي تغير في سعر الدولار هيكون قصاده تغير في كل اسعار السلع والخدمات اللي بيحصل عليها المواطن المصري.
للاسف كل خبراء عالم المال والاعمال اكدوا ان الاحداث العالمية هتاثر للاسف علي سعر الدولار، وأول التاثير ده هيظهر علي اسعار الطاقة وده عكس التوقعات اللي كانت بتاكد أن سعر الدولار هينخفض عالميا في الفترة اللي جاية خصوصا بعد قرار البنك الفيدرالي الأمريكي بتخفيض سعر الفايدة، وده كان السبب في ارتفاع اسعار الذهب عالميا، واللي في الاسابيع الأخيرة وصل لأرقام قياسية.
الخبراء كملوا كلامهم وقال أن أول القطاعات العالمية اللي هتتاثر بالارتفاع الجديد في اسعار الدولار هيا قطاعات السياحة والتجارة والصناعة، خصوصا أن ارتفاع اسعار الدولار هينعكس بشكل كامل علي اسعار الخامات اللي بتدخل في الصناعة، وطبعا هينعكس كمان علي اسعار الطاقة واللي هتاثر علي اسعار النقل وهيكون له تاثير مباشر علي حركة التجارة العالمية، ده غير التاثير المباشر علي حركة السياحة خصوصا أن مفيش سائح هيروح يقضي اجازته في دولة بتحيطها حروب أو صراعات أو اي خلافات  .
الخبراء كملوا كلامهم وقالوا أن مصر هتتاثر بشكل كبير بالاحداث اللي بتحصل في المنطقة العربية وخصوصا في قطاع السياحة خصوصا أن مصر حاليا متحاوطة بصراعات كبيرة من اغلب الدول، علشان كده مصر حاليا عملت اكثر من حملة ترويجية بثتها في اغلب دول العالم علشان تطئمن الناس علي توفير عنصري الامن والأمان وان مصر بعيدة بشكل كامل عن الأحداث اللي بتحصل في المنطقة العربية، خصوصا أن مصر في السنة دي مستهدفة 15.2 مليون سائح في السنة دي بزيادة عن الرقم القياسي اللي حققته مصر في السنة اللي فاتت واللي وصل لـ14.9 مليون سائح وده اعلي رقم في اعداد السائحين حققتهم مصر لحد دلوقتي .