صدمة لصناع المحتوى في مصر.. مفيش دولارات تاني !
يا ترى ايه القرار الصادم اللى اعلنت عنه شركة جوجل الأمريكية فى الساعات الأخيرة؟ وايه تأثيره على صناع المحتوى فى مصر؟ وايه علاقته بالدور وأزمة نقص العملات الأجنبية؟ وهل ممكن يأثر على ناس كتير ولا هو فى مصلحتهم أصلا؟
شركة جوجل العملاقة قررت تعمل انقلاب كبير في حياة صناع المحتوى في مصر خصوصًا اللي بيكسبوا أرباح من اليوتيوب والمواقع.. الشركه الأمريكية أعلنت انه بداية من يوم 1 مايو 2025 هتبدأ تبعت الدفعات أو الأرباح لمنشئي المحتوي سواء على منصه يوتيوب أو أصحاب المواقع المقيمين فى مصر بالعمله المحليه اللى هي الجنيه .. وقالوها صريحه مش هندفع العائدات بالدولار الأمريكي
طب القرار ده معناه ايه ؟
اللي حصل بكل بساطة ان جوجل قالت "خلاص يا جماعة، مفيش دولار تاني!" يعني بدل ما كان صانع المحتوى بيستلم فلوسه بالدولار هيستلمها بالجنيه المصري!
والسؤال اللي بيطرح نفسه إيه اللي خلى جوجل تاخد القرار ده؟ وإيه تأثيره علي صناع محتوى؟
قرار جوجل ده صدمة حقيقية بس هل هي صدمة حلوة ولا وحشة؟ ده اللي هنحاول نفهمه مع بعض. من ناحية، ده هيخلي حياة صناع المحتوى أسهل كتير، مش هيقعدوا يفتحوا الكالكيليتور كل شوية ويحسبوا قيمة فلوسهم بالجنيه. ومن ناحية تانية، ممكن يكون في ناس متعودة على الدولار وشايفة إنه أكتر استقرار
نيجي للنقطة المهمة .. ليه جوجل اخدت القرار ده؟
أكيد في أسباب كتير، منها تسهيل الإجراءات و ده أهم سبب، لأن تحويل الأرباح من الدولار للجنيه كان بيأخد وقت وجهد أكبر.. القرار كمان دعم الاقتصاد المحلي لأنه هيخلي الفلوس تدور جوه السوق المصري وهيساهم في دعم الاقتصاد.. وكمان جوجل بتغير سياستها في التعامل مع صناع المحتوى في الدول النامية وبتجرب طريقة جديدة فى دفع الأرباح بالعملات المحلية
وايه تأثير القرار على صناع المحتوى؟
طبعا القرار ده له تأثير كبير على صناع المحتوى أهمهم انه خلاص مفيشدخل دولاري تاني لصانع المحتوى وده ممكن يؤدي الى توقف ناس كتيرة شغالة فى المجال ده وكانوا مفضلينوا عشان الدفع فيه بالدولار .. لكن القرار ليه شق ايجابي فيما يتعلق بتقوية موقف الجنيه لأن جوجل هتشتري جنية بكميات كبيرة من البنك المركزي عشان تحول الدفعات لصناع المحتوى بالعملة المصرية ..و ممكن يكون في ناس تشتغل أكتر عشان تكسب أكتر بالجنيه، وناس تانية تقلل من إنتاجها عشان مش هتكسب زي الأول بالدولار.
طب ايه الخطوات اللي لازم تعملها بعد قرار جوجل؟
لازم بسرعة تفتح حساب بنكي بالجنيه المصري ولو مش عندك حساب بالجنيه المصري لازم تفتحه عشان تستقبل فيه أرباحك الجديدة ولازم تدخل بيانات الحساب البنكي الجديد في حسابك على جوجل عشان يعرفوا يبعتوا الفلوس على المكان الصح.
فى النهاية لو انتوا صناع محتوى .. إيه رأيكم في قرار جوجل ده؟ هل هو قرار صائب؟ وهل تتوقعوا إن الشركات التانية اللي بتدفع أرباح لصناع المحتوى بالدولارزيفيسبوكوغيرها ممكن تاخد نفس الخطوة؟ وهل تعتقدوا إن القرار ده هيغير من شكل صناعة المحتوى في مصر؟
