اللي ما قالوش السيسي.. كواليس أخطر أيام مصر
من ساعات قليلة الرئيس عبدالفتاح السيسي كان بيحضر حفل تخرج دفعة جديدة من أكاديمية الشرطة وكعادته دايما فى الفاعليات دي فتح قلبه واتلكم مع المصريين بصراحة عن الأوضاع الاقتصادية الصعبة اللى البلد مرت ولسه بتمر بيها.. وقال ان قناة السويس فقدت خلال الشهور الأخيرة ما يقرب من 50 الى 60% من ايرادتها وان ده بيعادل أكتر من 6 مليار دولار خلال الشهور الماضية".. بس يا ترى ايه الحاجات اللى ما قالهاش السيسي ؟وايه كواليس الأيام الصعبة اللى مرت على مصر فى اخر 3 سنين ؟وايه تأثيرده على الأوضاع؟
مفيش شك ان الاوضاع الاقتصادية فى مصر صعبة جدا والاسعار وصلت لمستويات غير مسبوقة وتقريبا كل الناس الغني والفقير اللى معاه واللى محيلتوش حاجة بيشتكي من صعوبة الظروف الاقتصادية.. بسمين سأل نفسه .. يا ترى اللى بيحصل عندنا ده سببه إيه ؟وهل حصل بسبب تقصير من الحكومة والمسؤولين ولا فيه أسباب تانية للموضوع؟
فيه مثل معروف وشهير بيقول “ليس كل ما يعرف يقال” وفى السياسة الزعماء والقادة ساعات بيتعاملوا مع المشاكل ويحلوها من غير ما يقولوا وده اللى حصل فى مصر من 2020 ولحد دلوقتى
طب ليه بنقول من 2020 مش قبل كده أو بعدها ؟
بص يا سيدي .. الرئيس السيسي من اول يوم ليه فى الحكم استلم البلد وهي فى ظروف صعبة جدا .. مصروقتها كانت لسه طالعة من ثورتين 25يناير و30 يونيه والأوضاع الأمنية والاقتصادية مكنتش فى أفضل احوالها والاقتصاد كان بيتهاوى .. ومن اول يوم السيسي حاول ترتيب البيت من الداخل واشتغل على حل المشكلات الاقتصادية الصعبة وبعد جهد وتعب قدرت مصر تعبر المرحلة الصعبة ومؤشرات الاقتصاد كلها كانت بتقول ان اقتصاد مصررايح فى حتة تانية خالص لغاية ما جت كورونا فى 2020 وحصل اغلاق وكل اقتصادات العالم حتى الدول المتقدمة بدأت تعانى بشكل واضح .. السياحة وقفت وسلاسل الامداد توقفت وكل حاجة سعرها اتضاعف
خلصت كورونا والأوضاع بدأت تظبط شوية جت الحرب الروسية الاوكرانية وعينك ما تشوف الا النور .. نقصحاد فى سلاسل الامداد .. ارتفاع تاريخي فى اسعار النفط والحبوب .. تآكل لحجم الاحتياطي .. فجوة تمويلية فى الموازنة العامة .. هروب للأموال الساخنة .. تراجع فى كل مصادر الدولار تقريبا .. كل دهمع بلد اقتصادها كان لسه متعرض لأزمة وهزة عنيفة وثورتين أرهقوا دولاب الدولة بالكامل
ورغم الصعاب دي ورغم المشاكل الضخمة الرئيس السيسي ما استسلمش واختار فى وقت صعب البناء وراهن على المصريين وكسب الرهان.. صحيح بنعانى ووضعنا الاقتصادي مشفى افضل حالاته لكن وضعنا أحسن من غيرنا بمراحل ولو بصيت نظرة سريعة على كل الدول حوالينا هتلاقي معظمها بيعانى فى وقت كل التقارير الدولية بتقول ان مصرخلال الفترة الجاية هتشهدطفرة كبيرة وهتقد تتخلص من كل أزماتها
