قرار منتظر هيغير الأوضاع.. إيه اللي هيحصل في مصر يوم 17 أكتوبر ؟
يا ترى ايه اللى هيحصل فى مصر يوم 17 أكتوبر الجاي؟ وايه علاقته باللى حصل فى أمريكا يوم 18 سبتمبر ؟ وهل ممكن يغير الأوضاع فى مصر قبل نهاية 2024 ؟ وامتى ساعة الصفر اللى ممكن البنك المركزي يتحرك عندها؟
يوم الأربع اللى فات الفيدرالي الأمريكي قرر ولأول مرة من فبراير 2022 خفض معدل الفائدة بواقع 50 نقطة أساس عشان اسعار الفايدة على الدولارحاليا تراوح بين 4.75 و5% وفيه تقارير كتير بتقول ان الفيدرالي بيتجه الى خفض إضافي مماثل بحلول نهاية 2024.
وبدأ الفيدرالي سياسة التشديد النقدي في مارس 2022 لما رفع معدل الفايدة 25 نقطة أساس واستمر في وتيرة الرفع لغاية لما وصلت إلى نطاق بين 5.25% و5.5% كأعلى مستوى ليها في أكثر من 20 سنة.
بس السؤال المهم .. لجنة السياسة النقدية فى البنك المركزي هتعمل ايه فى اجتماعها الجايوهل ممكن تسير على خطى الفيدرالي ولا لأ ؟
وفقا للجدول الزمنى المعلن لاجتماعت اللجنة على موقع البنك المركزي فاللجنة بتعقد كلسنة 8اجتماعات للنظرفى اسعار الفايدة عملت منهم لغاية دلوقتي 5 اجتماعات وباقي 3 وفى اخر 3 اجتماعات قررت اللجنة تثبيت اسعار الفايدة بعد ما رفعتها فى اجتماع استثنائي يوم 6مارس اللى فات بقيمة 600 نقطة أساس في محاولة لكبح جماح التضخم
وعشان كده فيه ترقب كبير لقرار ممكن يغير الأوضاع فى اجتماع يوم 17 اكتوبر لأن لو اللجنة قررت تخفيف سياسة التشديد النقدي ده هيكون ليه دور كبير ومهم جدا في توديع مرحلة صعبة عاشتها مصر وتم خلالها رفع أسعار الفايدة بمعدلات كبيرة وغيرمسبوقة لحد ما وصل سعريعائد الإيداع والإقراض لليلة واحدة وسعر العملية الرئيسية للبنك المركزي الى 27.25%، 28.25% و27.75%، على الترتيب.
حد ممكن يسأل ويقول وايه خطورة ارتفاع اسعار الفايدة ؟
الحقيقة ان قرار رفع سعر الفايدة هو اصعب قرار على صناع السياسة النقدية وما بيلجأوش اليه الا فى الاوقات الصعبة واخر حل بيفكروا فيه وده لأن ليه تاثيرات سلبية كبيرة على السوق ده غير ان كل رفع 1% فى نسبة الفايدة بيزيد الضغوط على الدولة وبيزود تكلفة الديون على الموازنة العامة باعتبار الحكومة هي أكبرمقترض من البنوك
طب ايه اللى ممكن يحصل لو تم تخفيض اسعار الفايدة ؟
تخفيض اسعار الفايدة هيمنح الأسواق قبلة حياة وهيعيد الهدوء والاستقرار الى كل مناحى الاقتصاد وهيؤدي الى اعادة استخدام السيولة الموجودة فى البنوك فى مشروعات هتدر انتاج وهتوفر مئات الالاف من فرص العمل وده هيكون ليه انعكاس على كل حاجة في مصر ومستقبلا هيؤدي الى خفض معدلات التضخم وتآكل المدخرات
