الأيام الأخيرة لأزمة الدولار في مصر
فى الكام يوم اللى فاتوا حصلت تطورات مبشرة جدا فى ملف أزمة نقص الدولار وفيه كام حاجة حصلت بتقولان خلاص مصربتودع رسميا شح العملة الأجنبية وان الايام الجاية هيكون عندنا وفرة كبيرة في كمية النقد الأجنبي.. فيا ترى ايه اللى حصل ؟ وايه تأثيراته على سعر الصرف وكمان اسعار السلع الغذائية؟ وليه طالما بقا فيه وفرة فى العملة الأمريكية لسه الأسعار بتزيد؟
أي حد بيتابع سوق صرف العملات الأجنبية فى مصر عارف ان فيه هدوء واستقرار كبير حصل لسعر الدولارفى الفترة الأخيرة بسبب قرارات البنك المركزي التاريخية فى 6 مارس اللى فات واللى كاناهمها تحرير سعر صرف الجنية وفقا لآليات السوق .. وده قضى تماما على تعدد سعر الدولارفى مصر ومبقاش فيه سعر للعملة المريكية فى سوق الدهب وسعر مختلف فى سوق العربيات وسعر تالت فى الاجهزة الكهربائية
حد ممكن يسال ويقول .. طبواحنا استفدنا ايه من ده ؟
ده سؤال مهم جدا .. بص يا سيدي اللى حصل فى سوق الصرف ده كان ليه تداعيات ايجابية كبيرة على مناخ الاستثمار فى مصر ومع توحيد سعر الصرف كتير من صناديق الاستثمار العربية والأجنبية والشركات الدولية عادت من جديدلضخ استثمار فى مصر لأن اى مستثمر بيكون عاوز سعر صرف موحد ومرن يقدر من خلاله يحسب هيصرف كام وممكن يكسب أد إيه .. ومكنشحد ممكن ييجي ويحطفلوسه فى مصر وهو مش عارف قيمة الجنية الحقيقة كام
نرجع بقا للأحداث اللى حصلت مؤخرا وهتخلى مصر ان شاء الله تتخلص نهائيا من أزمة الدولار.. وأولها اعلان ولي العهد السعودي الأمير محمد بنسلمان عن توجيه "صندوق الاستثمارات العامة" السعودي بضخ استثمارات في مصر بإجمالي 5 مليارات دولار كمرحلة أولى.. فى اطار خطط المملكة لزيادة استثماراتها فى مصر بالتزامن مع معلومات واخبار بتقول انه هيتم خلال أيام توقيع اتفاقية استثمار كبرى مع بين الحكومة المصرية والمسئولين فى السعودية على غرار صفقة راس الحكمة مع الجانب الاماراتي واللى دخلت للبلد حوالى 35 مليار دولار
طب ايه تاني غير فلوس السعودية ممكن ينهي أزمة الدولار؟
مش بس السعودية اللى هتضخ استثمارات بمليارات الدولارات فى مصر فيه كمان قطر اللى بتدرسحاليا مع الحكومة أفضل الفرص الاستثمارية بالنسبة لها ومن ايام استقبل الفريق كامل الوزير نائب رئيس الوزراء لشئون الصناعة وزير المواصلات القطرى ومعاه وفد اقتصادي رفيع المستوى وكان محور اللقاء زيادة حجم الاستثمارات القطرية فى مصر وخاصة فى مجال الصناعة ودعم تطوير العلاقات الاقتصادية والتجارية فى مجال الموانئ والمحطات المتخصصة، ومشاركة الجانب القطرى فى تطوير محطات الحاويات الحالية بالموانئ المصرية عن طريق ضخ استثمارات مباشرة لتطوير ورفع كفاءة البنية الفوقية ومعدات التشغيل وتطبيق أحدث نظم التكنولوجيا فى الإدارة والتشغيل.
كمان محافظ البنك المركزي حسن عبدالله استقبل وزير المالية القطرى وناقشوا مع بعض فرص تعزيز التعاون الثنائي وضخ مزيد من الاستثمارات القطرية فى مصر
وآخر حاجة متوقع الأيام الجاية هجمة كبيرة من الأموال الساخنة على مصر بعد تخفيض الفايدة من قبل الفيدرالى الامريكي للاستفادة من العائد المررتفع اللى بتقدمه مصرللمستثمرين فى أدوات الدين من أذون خزانة وسندات .. وكل ده تدفقات دولارية هتنعش الوضع وهتقضي بشكل نهائي على أزمة العملة الصعبة
