تحصيل غرامات قياسية.. شوف إيه اللي بتعمله الحكومة في سرقة الكهرباء

في شغل كتير اووي بيتعمل في قطاع الكهرباء خصوصا في موضوع سرقة التيار، والدولة ناوية تنهي الموضوع ده بأي شكل من الأشكال.. طيب ايه هو اللي بتعمله الحكومة علشان تنهي قصة سرقة الكهرباء .. وهل الدولة حصلت رقم كبير من موضوع سرقات الكهرباء .. خلونا نشوف اللي حصل .. تابعونا في الفديو دا

الدولة في الوقت الحالي شغالة بكل قوة علي موضوع سرقة الكهرباء، وفي اكتر من اجتماعين اسبوعيا بيحصلوا بين وزير الكهرباء والطاقة المتجددة ووزير البترول والثروة المعدنية مع رئيس مجلس الوزراء علشان يناقشوا جهود القضاء علي سرقة الكهرباء، خصوصا إن الدولة بتفقد جزء كبير من الطاقة اللي بتنتجها محطات التوليد وطبعا الطاقة دي بتروح ببلاش ومفيش حد يبدفع تمنها لانها بتتسرق من علي الشبكة ومفيش حد بيعرف مين اللي اخذها.

طيب اية اللي بيحصل في موضوع سرقة الكهرباء وكمية التحصيل وصلت لكام ؟.

الدكتور محمود عصمت وزير الكهرباء والطاقة المتجددة، عمل اجتماع مع رؤساء شركات التوزيع علشان يناقش خطة العمل اليومية، وخفض الفقد ومنع سرقة التيار الكهربائي ومعالجة كافة أشكال التعدى على حقوق الكهرباء، وتركيب العدادات الكودية المؤقتة لجميع المخالفين بدون استثناءات لحين تصحيح أوضاعهم مع الأجهزة المعنية دون قيود ودون اشتراطات مسبقة لتحقيق المستهدف والحفاظ على أموال الدولة.
الدكتور عصمت قال أنه فيه متابعة رئاسية لموضوع مواجهة ظاهرة سرقة التيار الكهربائي والتعدي على الكهرباء والخطة العاجلة لتحسين جودة التغذية الكهربائية والحفاظ على استقرار واستدامة التيار الكهربائي وبرنامج عمل وزارة الكهرباء والطاقة المتجددة للحد من الفقد الفني والتجارى والحفاظ على حقوق الكهرباء على كافة الاستخدامات وضمان تقديم خدمات كهربائية لائقة للمواطنين.

وزير الكهرباء قال أن اجمالي العدادات الكودية اللي تم تركيبها خلال الشهر اللي فات وصلت لـ178 ألف عداد وأجمالي محاضر سرقة التيار الكهربائي اللي تم ضبطها من خلال الضبطية القضائية بشركات التوزيع وصلت لـ 99 ألف محضر بإجمالي طاقة مسروقة وصلت لـ 97 مليون كيلوات وبقيمة مالية 396 مليون جنيه.

الوزير ناقش مع الشركات الإجراءات القانونية لمنع تكرار السرقات وتحصيل المستحقات والمتابعة الفنية واستخدام الأنظمة التكنولوجية لحساب الطاقة المشتراة والمباعة والمستهلكة من جانب المشتركين، وكمان خطط التشغيل والصيانة والمتابعة الفنية للحد من الفقد الفنى على شبكات التوزيع.

طيب هل موضوع سرقات التيار وقف علي كده؟.
لا طبعا وزارة الكهرباء والطاقة المتجددة، أعدت قايمة فيها 500 الف مواطن ورفعتها الي وزارة التموين لوقف صرف السلع التموينية لهم والوزارة ناوية تحذفهم بعد ما القضاء يحسم الاتهامات بشأنهم والقائمة دي اترفعت كمان لوزارة الزراعة وفعلا الوزارة وقفت صرف الاسمدة المدعمة، ولسه وزارة الكهرباء بتعد قائمة جديدة باسم الناس اللي لهم محاضر سرقة الكهرباء وكمان الناس اللي لسه شغالة بنظام الممارسة لان الدولة بتعتبرها برضوا سرقة تيار علشان يترفع اسمائهم من منظومة الدعم الحكومي.
طيب ليه الدولة واخدة موضوع سرقة التيار الكهربائي بجدية شديدة المرة دي ؟
اولا عشان دا حق الدولة وتاني حاجة عشان الحكومة متلجأش للعودة لسياسة تخفيف الأحمال تاني وتقطع الكهربا وكلنا شفنا أن الحكومة يتسابق الزمن عشان تستورد وقود للمحطات ويتوفر من كل حتة عشان الكهرباء تفصل منورة.