مفاجأة جديدة في خدمات انستا باي

أكيد عندك انستاباي على تليفونك ولو معندكش إلحق سجل بسرعة عشان التطبيق بقي كله ميزات وكل يوم بيتطور أكتر.. تعالي نشوف الجديد في تطبيق البنك المركزي للتحويلات اللحظية.. تابع معانا التقرير التالي.
 

بيعتبر تطبيق إنستا باي التابع للبنك المركزي واحد من أهم الخدمات اللي قدمها المركزي للمصريين لأنه سهل هعليهم حاجات كتير جدا ووفرت عليهم الوقت والانتظار في طوابير البنوك وسهلت عملية تحويل الفلوس وسداد الفواتير وعشان كده التطبيق كل يوم بينتشر بشكل كبير جدا.
تطبيق انستاباي باختصار هو تطبيق بيتيح التحويلات المالية اللحظية من الحسابات البنكية والمحافظ الهاتفية وبيقدم خدامات تسديد الفواتير وغيرها وهو تطبيق آمن جدا وتحت اشراف البنك المركزي واستخدامه مفيش أسهل من كده.

الجديد في تطبيق انستاباي إنه بعد قرار بنكي الأهلي ومصر زيادة حدود الصرف على بطاقات الائتمان الخاصة به بالعملة الأجنبية خارج مصر الناس بدأت تسأل عن حدود السحب في تطبيق إنستا باي واللي بيوصل مباشرة إلى جميع حساباتك البنكية وتحويل الأموال لحظيًا من خلال الهاتف المحمول الناس .

وعشان كده البنك المركزي المصري أعلن عن حدود السحب الجديدة من تطبيق إنستا باي وتعديل الحد الأقصى للمعاملات اليومية والشهرية والحد الأقصى للمعاملة الواحدة على التطبيق الرقمي وفق للقواعد المنظمة لخدمات إنستا باي، ودا بسبب تزايد أعداد وقيم المعاملات على المنظومة الوطنية للمدفوعات اللحظية ودا خلى المركزي يرفع الحدود اليومية والشهرية للمعاملات على التطبيق لاستيعاب كافة شرايح المستخدمين.
وبتتفاوت حدود السحب من تطبيق إنستا باي بين الحد الأقصى للسحب للمعاملة الواحدة واللي بيوصل إلى 70 ألف جنيه، والحد الأقصى للمعاملات اللي بيوصل 120 ألف جنيه، وعلى مدار الشهر يجب ألا يتجاوز السحب مبلغ الـ 400 ألف جنيه عبر استخدام إنستاباي، وفق الكتاب الدوري المنشور على الموقع الرسمي للبنك المركزي.
ولو لسه معندكش انستاباي تعالي نقولك على خدمات ومميزات التطبيق وهي مزايا كتيرة منها ربط جميع الحسابات المصرفية المختلفة للعملاء في تطبيق واحد للهاتف المحمول.. وكمان إمكانية التحويل الفوري من حساباتك داخل البنوك المسجلة على الشبكة في مصر.

وتقدر كمان تحول فوري داخل حسابات شبكة بنوك مصر والمحافظ الرقمية وبطاقة ميزة وغير خدمة  الاستعلام عن رصيد الحسابات وكمان إصدار كشف حساب مصغر للبنك بجانب إضافة حسابات بنكية متعددة ضمن شبكة بنوك مصر.
كمان هنقولك إزاي تحول الفلوي من تطبيق انستاباي
أول حاجة بتفتح التطبيق على موبايلك وبتضغط على إرسال نقود.. وفي الخطوة التالية الضغط على «رقم الهاتف.. وبعدها الضغط على علامة «حساب بنكي.. وبعدها هتدخل البيانات المطلوبة، وهي «رقم الهاتف، المبلغ» ثم الضغط على «التالي».

الخظوة الجاية هتكون مراجعة بيانات التحويل.. وأخير هيتم إدخال الرقم السري المكون من 6 أرقام، ثم الضغط على ادخال وهيتم التحويل بنجاح